27.05.2026 | 11:33
ՌԴ-ից պաշտոնական նամակ չենք ստացել. ՏԿԵՆ-ը՝ «Կոմերսանտի» հրապարակման մասին
«Վրացական երազանք»-ի նախընտրական պաստառների վրա ՌԴ-ի կողմից ավերված ուկրաինական քաղաքներ են պատկերված. ՏԵՍԱՆՅՈՒԹ
Քաղաքականություն
26.09.2024 | 22:09
Վրաստանի Իշխող «Վրացական երազանք» կուսակցությունն իր նախընտրական քարոզարշավի համար օգտագործել է ռուսական զորքերի կողմից ավերված ուկրաինական քաղաքների լուսանկարները։ Պաստառների և տեսանյութերի շարքը, որտեղ ռմբակոծությունների կադրերը հակադրվում են վրացական քաղաքներում ցայտաղբյուրներին ու նոր ավտոբուսներին, ներկայացվել են այսօր։ Դրանցում ընտրողներին առաջարկում են «ընտրել խաղաղություն» և ասել «Ո՛չ պատերազմին»։
Մեկ ժամում Ֆեյսբուքում հրախարակված տեսանյութը հավաքել է ավելի քան 2000 արձագանք։ Դրանցից կեսից ավելին կա՛մ զայրույթ, կա՛մ ծիծաղ են արտահայտում։
Համապատասխան բովանդակությամբ հսկայական գովազդային պաստառների հայտնվելու մասին հաղորդվում է Թբիլիսիից և մարզերից։
Վրաստանի նախագահ Սալոմե Զուրաբիշվիլին առաջիններից է արձագանքել։
«Դեպի դժոխք արժանապատվորեն։ Որքա՜ն խղճուկ պետք է լինել, որպեսզի ձեր ժողովրդին անամոթաբար առաջարկեք ԿԳԲ-ի դարբնոցում պատրաստված պաստառ»,- գրել է նա ֆեյսբուքյան իր էջում։
Թարգմանությունը՝ Տաթև Ֆռանգյանի
