09.09.2026 | 13:07
Օդի ջերմաստիճանը Հայաստանում կբարձրանա 6-8 աստիճանով
Թուրքիան նախապատրաստվում է Լիբանանից իր քաղաքացիների հնարավոր տարհանմանը
Քաղաքականություն
26.09.2024 | 23:31
Թուրքիայի ՊՆ-ն նախապատրաստական աշխատանքներ է իրականացնում Լիբանանից իր քաղաքացիների հնարավոր տարհանման համար։
Նախարարության աղբյուրը, ի պատասխան հարցին՝ կշարունակվի՞, արդյոք, օգնությունը Լիբանանին, որտեղ Իսրայելը հարձակումներ է իրականացնում, և արդյո՞ք Թուրքիայի զինված ուժերը տարհանման գործողություն կիրականացնեն, ասել են հետևյալը. Թուրքիայի զինված ուժերն ունեն միջոցներ և հնարավորություններ՝ իրականացնելու իրենց վստահված խնդիրները՝ Լիբանանից մեր քաղաքացիների կամ օտարերկրյա քաղաքացիների անվտանգ տարհանման համար և նախկինում հաջողությամբ իրականացրել է բազմաթիվ տարհանման գործողություններ։ Ներկայում Լիբանանում տեղի ունեցող զարգացումներին ուշադրությամբ հետևում ենք՝ համաձայնեցնելով արտաքին գործերի նախարարության հետ։ Հնարավոր տարհանման գործողության շրջանակում իրականացվում են նախնական պլանավորում և նախապատրաստական աշխատանքներ»։
Նշվում է, որ Լիբանանին օգնությունը շարունակվելու է այլ հաստատությունների հետ՝ երկրի պահանջներին համապատասխան։
Թարգմանությունը՝ Էմմա Չոբանյանի
