14.02.2026 | 20:05
«Տոտենհեմը» նոր գլխավոր մարզիչ ունի
Վարչապետն էմոցիա չունի Երևանի հանդեպ․ թող Ավինյա՛նն ապացուցի, որ երևանցի տղա է․ Վիկտոր Մնացականյան․ ՏԵՍԱՆՅՈՒԹ
Քաղաքականություն
23.09.2024 | 20:30
Սարյան փողոցի «Հայփոստ»-ի շենքը չպետք է քանդվի, վարչապետն էմոցիա չունի Երևանի հանդեպ։ Factor TV-ի հետ զրույցում նման կարծիք է հայտնում «Հաղթանակ» կուսակցության ղեկավար, ուրբանիստ Վիկտոր Մնացականյանը։
«Ով ուզում է՝ լինի քաղաքապետը, կողքը կկանգնեմ, որպեսզի վարչապետին բացատրի՝ «Հայփոստ»-ի շենքը Երևանի սիմվոլներից է, չի կարելի քանդել։ Ես դեմ չեմ, թող կառուցեն համաշխարհային կենտրոն, բայց՝ ոչ «Հայփոստի» շենքի տեղում։ Վարչապետը Երևանից չէ, ինքն էմոցիա չունի Երևանի հանդեպ, չի մեծացել այստեղ, չի սիրել էս թաղը, չի հասկանում՝ մենք ինչից ենք խոսում»,- ընդգծեց Մնացականյանը։
Դիտարկմանը, որ քաղաքապետ Տիգրան Ավինյանը Երևանից է, այստեղ է ծնվել ու մեծացել, Մնացականյանն արձագանքեց․ «Թող ի՛նքը ապացուցի, որ երևանցի տղա է, և Նիկոլ Փաշինյանին ասի՝ թենիսի կորտերին չի կարելի դիպչել, «Հայփոստ»-ի շենքը չի կարելի քանդել։ Նույնն է, որ մեկը գա, ասի՝ «Կարապի լիճը» քանդում եմ, ծառ տնկեմ»։
Կենտրոնի նախկին թաղապետի հետ զրուցել ենք նաև քաղաքային այլ խնդիրներից։
Հարցազրույցն ամբողջությամբ՝ տեսանյութում։
Արփի Հակոբյան
