16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
ՀՀ շախմատի ֆեդերացիան կոչ է արել ՖԻԴԵ-ին՝ թույլ տալ ռուսներին և բելառուսներին մասնակցել մրցաշարերին
22.09.2024 | 18:53
Շախմատի միջազգային ֆեդերացիան (ՖԻԴԵ) չպետք է կախված լինի Միջազգային օլիմպիական կոմիտեի (ՄՕԿ) դիրքորոշումից ռուս և բելառուս մարզիկներին մրցումներին մասնակցելու հարցում։ Այս մասին ասել է Հայաստանի շախմատի ֆեդերացիայի նախագահի առաջին տեղակալ Սմբատ Լպուտյանը՝ ելույթ ունենալով Բուդապեշտում ընթացող ՖԻԴԵ-ի գլխավոր ասամբլեայում. փոխանցում է ՏԱՍՍ-ը։
Սեպտեմբերի 21-22-ը Բուդապեշտում ընթանում է ՖԻԴԵ-ի Գլխավոր ասամբլեան, որին կքննարկվի կազմակերպության հովանու ներքո անցկացվող մրցաշարերին ռուսների և բելառուսների լիարժեք ընդունելության հարցը։
«Աշխարհում միշտ էլ եղել են պատերազմներ, և Ռուսաստանն ու Ուկրաինան միակ հակամարտությունը չեն: Ես չեմ ուզում երկրների անուններ տալ, բայց նրանք չեն պատժվել պատերազմներին մասնակցելու համար: Ինչ վերաբերում է ՖԻԴԵ-ին ուղղված ՄՕԿ-ի առաջարկություններին, ես չգիտեի, որ Միջազգային օլիմպիական կոմիտեն մեր ղեկավարությունն է, ինչո՞ւ պետք է լսենք նրանց։ Քաղաքականությունը շախմատ չէ, շախմատը ուրախություն է, երջանկություն»,- ասել է Լպուտյանը։
Հիշեցնենք՝ ռուս-ուկրաինական հակամարտության մեկնարկից հետո ՖԻԴԵ-ն արգելեց ռուսաստանցիներին մասնակցել թիմային մրցումներին։
