06.10.2026 | 20:09
Մոսկվան հայտարարել է, թե Հայաստանը ցանկանում է Գյումրիից ռազմաբազայի դուրսբերման պատասխանատվությունը «բարդել Ռուսաստանի վրա»
Ինչու էր ձերբակալվել Ալեքսանդր Լապշինը
Հասարակություն
21.09.2024 | 21:04
Ալեքսանդր Լապշինը ՀՀ ոստիկանության աշխատակիցների կողմից հայտնաբերվել է 2024 սեպտեմբերի 21-ին Բելառուսի Հանրապետության իրավապահ մարմինների կողմից հետախուզման մեջ գտնվելու հիմքով: Այս մասին Factor.am-ի հարցին ի պատասխան հայտնեցին ՀՀ գլխավոր դատախազությունից:
«Դատախազի կողմից փաստաթղթերն ուսումնասիրելուց հետո բանավոր հանձնարարվել է Ա.Լապշինին չձերբակալել. ներկայում Լապշինը գտնվում է ազատության մեջ»,- մանրամասնեցին Աննա Վարդապետյանի ղեկավարած իրավապահ կառույցից:
Նշենք, որ բլոգեր Ալեքսանդր Լապշինը ֆեյսբուքյան գրառմամբ հայտնել էր, որ իրեն ձերբակալել են «Զվարթնոց» օդանավակայանում:
«Ադրբեջանի և Ռուսաստանի Դաշնության հետախուզման հիման վրա հենց նոր Երևանի «Զվարթնոց» օդանավակայանում իրավապահները արգելափակել են իմ մուտքը ՀՀ տարածք»: Ինչպիսի հետաքրքիր ձևով է Հայաստանը որոշել նշել Անկախության տոնն ու Արցախի ցեղասպանության տարելիցը: Ամոթ ու խայտառակություն»,- գրել է Լապշինը:
Արփի Հակոբյան
