22.02.2026 | 00:10
Արթուր Ավետիսյանը՝ աշխարհի գավաթի հաղթող, Մամիկոն Խաչատրյանը՝ արծաթե մեդալակիր
Ադրբեջանը չի բավարարում հարկաբյուջետային թափանցիկության նվազագույն պահանջներին․ ԱՄՆ Պետդեպ
Քաղաքականություն
20.09.2024 | 21:18
ԱՄՆ Պետքարտուղարությունը հրապարակել է հարկաբյուջետային թափանցիկության տարեկան զեկույցը։ Ադրբեջանական Թուրան գործակալությունը գրում է, որ այն ուսումնասիրում է ԱՄՆ օգնություն ստացող կառավարությունների բյուջետային թափանցիկությունը: Պետքարտուղարությունը գնահատել է, որ Ադրբեջանը չի բավարարում 2024 թվականի համար հարկաբյուջետային թափանցիկության նվազագույն պահանջներին և այս ուղղությամբ էական առաջընթաց չի գրանցել։
Զեկույցի համաձայն՝ թեև Ադրբեջանի կառավարությունն օրենսդրության մեջ և կանոնակարգերում մասնակիորեն արտացոլել է բնական պաշարների արդյունահանման համար պայմանագրերի և լիցենզիաների տրամադրման չափանիշներն ու ընթացակարգերը, պարզ չէ՝ արդյո՞ք գործնականում հետևել է այդ ընթացակարգերին:
Փաստաթղթի հեղինակները նաև նշում են, որ հաշվետու ժամանակահատվածում բյուջեի նախագիծը, ընդունված բյուջեն և կատարողական հաշվետվությունը հասանելի են եղել հանրությանը, այդ թվում՝ առցանց։
Այս տարվա զեկույցը նախանշում է երկու քայլ, որ Ադրբեջանը կարող է ձեռնարկել հարկաբյուջետային թափանցիկությունը բարելավելու համար: Այդ քայլերն են՝ բնական ռեսուրսների արդյունահանման համար պայմանագրերի շնորհման չափանիշների և ընթացակարգերի օրենսդրության կամ կանոնակարգերի ամբողջական ճշգրտումը, այդ փաստաթղթերի պահանջներին գործնականում համապատասխանելը:
Թարգմանությունը՝ Էմմա Չոբանյանի
