26.06.2026 | 20:56
Խորվաթիան վերահաստատել է աջակցությունը ԵՄ-ի հետ ՀՀ խորացող գործընկերությանը. տեղի է ունեցել Սաֆարյան-Մատուշիչ հանդիպում
Ադրբեջան-Հայաստան հակասությունները չպետք է վնասեն ՌԴ-ի հետ հարաբերություններին․ Զախարովա․ ՏԵՍԱՆՅՈՒԹ
Քաղաքականություն
20.09.2024 | 16:28
Հայ-ադրբեջանական շարունակվող հակասությունները չպետք է վնասեն թե՛ Բաքվի, թե՛ Երևանի հարաբերություններին Ռուսաստանի հետ։ ՌԴ ԱԳՆ պաշտոնական ներկայացուցիչ Մարիա Զախարովան այսպես է մեկնաբանել Ադրբեջանի մի շարք հասարակական կազմակերպությունների՝ ԱՄՆ-ի ու ԵՄ-ի կողմից Ռուսաստանի դեմ պատժամիջոցների կիրառման և իրականացման մոնիթորինգի համար պատասխանատու կառույցների ղեկավարներին ուղղված բողոքը, թե Հայաստանն օգնում է Ռուսաստանին շրջանցել հակառուսական պատժամիջոցները։
«Հայ-ադրբեջանական շարունակվող հակասությունները չպետք է վնասեն թե՛ Բաքվի, թե՛ Երևանի հարաբերություններին Ռուսաստանի հետ։ Մենք հասկանում ենք, թե սա ում խնդիրն է, ով է կանգնած դրա հետևում։ Փոխադարձ զրպարտությունը ձեռնտու չէ ո՛չ հայ, ո՛չ էլ ադրբեջանական հասարակությանը, բայց Արևմուտքն օգտագործում է հենց դա՝ իր շահերից ելնելով։ Այս դեպքում նրանք միայն մեկ շահ ունեն՝ ապակայունացնել տարածաշրջանը և վնասել մեր երկրի շահերին Հարավային Կովկասում»,- ասել է Զախարովան։
Մանրամասները՝ տեսանյութում։
Տաթև Ֆռանգյան
