18.07.2026 | 22:57
Երևանի Մուրացանի փողոցում տեղի ունեցած միջադեպի վայրում դի է հայտնաբերվել
Զախարովան Արմեն Գրիգորյանին «խորհուրդ է տվել մտածել ՀՀ պարենային անվտանգության մասին»․ ՏԵՍԱՆՅՈՒԹ
Քաղաքականություն
20.09.2024 | 13:55
ՌԴ ԱԳՆ պաշտոնական ներկայացուցիչ Մարիա Զախարովան Հայաստանի Անվտանգության խորհրդի քարտուղար Արմեն Գրիգորյանին խորհուրդ է տվել մտածել ՀՀ պարենային անվտանգության մասին և հիշեցրել, որ ՀՀ մուտք գործող հացահատիկի 90%-ը գալիս է ՌԴ-ից։ Այսպես է ՌԴ ԱԳՆ պաշտոնական ներկայացուցիչը մեկնաբանել առցանց ձևաչափով Գրիգորյանի մասնակցությունը «Ուկրաինայի խաղաղության բանաձևի» համատեքստում պարենային անվտանգության թեմատիկ համաժողովին։
«Միգուցե ընկեր Արմեն Գրիգորյանը չգիտի, հիշեցնեմ. հացահատիկը, որ Հայաստան է գնում տարբեր նպատակներով, 90 տոկոսը գալիս է Ռուսաստանից։ Միգուցե, այս դեպքում դուք պետք է տեսակոնֆերանսի միջոցով կապի դուրս գաք Ռուսաստանի Դաշնության հետ՝ քննարկելու ձեր իսկ պարենային անվտանգությունը: Դե, դա արդար և հարգալից կլինի: Ինչո՞ւ հանդես գալ և ինչ-որ խարդախություններով զբաղվել նրանց թիկունքում, ովքեր, ի թիվս այլ բաների, կերակրում են ձեզ և ապահովում ձեր պարենային անվտանգությունը»,- հայտարարել է Մոսկվայի ներկայացուցիչը:
Մանրամասները՝ տեսանյութում։
Տաթև Ֆռանգյան
