15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Ալիևն ասաց՝ ՀՀ-ն ագրեսոր է, տարածքային պահանջնե՞ր ունի․ Փաշինյանը թող առաջարկի չհարձակման ռեգիոնալ պակտ կնքել․ Աննա Օհանյան․ ՏԵՍԱՆՅՈՒԹ
Քաղաքականություն
19.09.2024 | 20:00
Ինչո՞ւ Ալիևի բռնապետական ռեժիմը պատժի չարժանացավ 120 000 հայերին սովամահության ենթարկելու, բռնի տեղահանելու համար։ Հայկական կողմին պետք է չբավարարեն այն բացատրությունները, թե աշխարհակարգը փլուզվում է, թե միջազգային խաղի կանոնները կասկածի տակ են դրված, և հետևաբար՝ այդ պատճառով բռնի տեղահանման անհետևանք մնալը կարող էր հասկանալի լինել։ Ինչո՞ւ միջազգային հանրությունը հեշտ մարսեց այս հանցագործությունը՝ այս հարցադրումը առավել քան բնական է հնչում Լեռնային Ղարաբաղի օկուպացիայի և բռնի տեղահանման առաջին տարելիցին։
Ըստ քաղաքագետ Աննա Օհանյանի՝ Ալիևի ռեժիմը կարողացել էր հաշվարկել բռնության այն կետը, որից ավելին կիրառելու դեպքում պատասխան կարող է լինել, ու նաև՝ օգտագործվել են հիբրիդային տեխնիկաներ․ «Բլոկադան կիրառված էր, բայց ադրբեջանցի դիվանագետները ասում էին, որ իրենք բացել են ալտերնատիվ ճանապարհ։ Բռնի ուժ կիրառեցին, բայց կինետիկ ուժ չկիրառեցին այն աստիճանի, ինչքան որ տեսնում էինք այլ կոնֆլիկտներում՝ ֆիզիկապես չբնաջնջեցին։ Նրանք հաշվարկեցին, որ կոնֆլիկտների կառավարման ոչ լիբերալ մեխանիզմները մարսվում են աշխարհում, քանի որ նախադեպեր արդեն կային»։
Աննա Օհանյանը սխալ է համարում այն գնահատականները, թե Լեռնային Ղարաբաղի հարցը փակված է, ըստ նրա՝ հենց Ղարաբաղից բռնի տեղահանված հայերը պետք է առաջնային դեր կատարեն խնդիրը միջազգային ատյաններում բարձրացնելու իմաստով։
Աննա Օհանյանը խոսել է նաև Հայաստանի կառավարության որդեգրած բալանսավորման քաղաքականության, որպես փոքր պետություն՝ ունեցած մարտահրավերների և հնարավորությունների, Ադրբեջանի հետ խաղաղության պայմանագրի շուրջ առկա բանակցությունների և եղած խնդիրների, Ռուսաստանի և Թուրքիայի կողմից ռեգիոնի վրա ազդելու գործընթացների և նրանց շահերի մասին։ Քաղաքագետը ներկայացրել է նաև ԱՄՆ-ում նախագահական ընտրությունների քարոզարշավի ներկա ընթացքը, Հայաստանի վրա ԱՄՆ-ի առաջիկա քաղաքականության հնարավոր ազդեցությունները։
Հարցազրույցն ամբողջությամբ՝ տեսանյութում։
Ռոբերտ Անանյան
