05.09.2026 | 15:22
Հայաստանը պատրաստվում է վավերացնել մարդու օրգանների թրաֆիքինգի դեմ ԵԽ կոնվենցիան
Վեց տաջիկ ուսանողի համար համաձայնագի՞ր ենք վավերացնում․ Միհրան Պողոսյան
Քաղաքականություն
11.09.2018 | 10:44
Ազգային ժողովում այսօր շարունակվում է հերթական քառօրյան, որի օրակարգում ընդգրկված հարցերից մեկը վերաբերում է «ՀՀ-ի կառավարության և Տաջիկստանի Հանրապետության կառավարության միջև կրթության որակավորումների, գիտական աստիճանների ու գիտական կոչումների փոխճանաչման և համադրելիության մասին» համաձայնագրի վավերացմանը։
Նշենք, որ այս հարցի քննությունը ԱԺ գիտության, կրթության, մշակույթի, երիտասարդության և սպորտի հարցերի մշտական հանձնաժողովի նիստում հետաձգվել է՝ հիմնական զեկուցող կրթության և գիտության նախարար Արայիկ Հարությունյանի բացակայության պատճառով։
Ազգային ժողովում այսօր հարցի զեկուցման ժամանակ նախարար Հարությունյանը նկատեց, որ այս համաձայնագրի վավերացումը հնարավորություն է տալու գործընկեր երկրի հետ խորացնել համագործակցությունը կրթական ոլորտում՝ ստեղծելով նոր հնարավորություններ կրթության շարունականության համար։
Արայիկ Հարությունյանը նշեց, որ Հայաստանում կա վեց տաջիկ ուսանող, իսկ թե Տաջիկստանում քանի՞ հայ ուսանող կա, չգիտի և վիճակագրություն չունի։
ԱԺ ՀՀԿ-ական պատգամավոր Միհրան Պողոսյանը նշեց, որ ստացվում է վեց տաջիկ ուսանողի համար համաձայնագի՞ր ենք վավերացնում, իսկ չունենք հաշվարկ անգամ, թե այնտեղ քանի հայ ուսանող կա։
Պատգամավոր Պողոսյանն առաջարկեց հարցն ավելի խորն ուսումնասիրել, ինչն ի պատասխան նախարարը նկատեց․ «Այս համաձայնագիրը ներկայացվել է ձեր կուսակցության ղեկավար, ՀՀ 3-րդ նախագահ Սերժ Սարգսյանի ժամանակ, հետևաբար, այն ժամանակ պետք է լիներ հարցադրումը, որքանո՞վ է արդյունավետ, իսկ ես կարծում եմ՝ եթե անգամ խոսքը գնում է մեկ ուսանողի մասին, նման համաձայնագրերի կնքումը կարևոր է ՀՀ բուհական համակարգի միջազգայնացման համար»։
