07.11.2026 | 12:26
Ռուսաստանում հրթիռակոծվել է «Իսկանդեր» հրթիռների համար սարքավորումներ արտադրող գործարանը․ խոշոր հրդեհ է բռնկվել
Թուրքիայում փեյջերների հետ կապված վտանգ չկա․ թուրք նախարարը՝ Լիբանանում պայթյունների մասին
Քաղաքականություն
18.09.2024 | 22:12
Լուրեր
07.11.2026 | 11:55
Երևանի կենտրոնում փոշու պարունակությունը հինգ օր գերազանցել է թույլատրելի սահմանը
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն մեկնաբանել է Լիբանանում նախօրեին տեղի ունեցած փեյջերների պայթյունը՝ հայտարարելով, որ բջջային կապի սարքերը կարելի է վերահսկել որոշակի տեխնոլոգիաներով և համակարգերով, ուստի կազմակերպություններ կան, որոնք ցանկանում են խուսափել դրանից, նախընտրում են օգտագործել փեյջեր։
Թուրքական լրատվականների հաղորդմամբ՝ Ուրաօղլուն նշել է, որ փեյջերներ գրեթե չեն օգտագործվում Թուրքիայում, քանի որ բջջային հեռախոսները մեծ տարածում են գտել երկրում։
«Թուրքիայում փեյջեր սարքերը գրեթե չեն օգտագործվում։ Ես կարող եմ հստակ ասել, որ Թուրքիայում որևէ վտանգ չկա՝ կապված փեյջերների հետ»,- ասել է թուրք նախարարը։
Նա վստահեցրել է, որ կիբերանվտանգության հարցում առաջատարների թվում են։
«Կիբերանվտանգությունը նույնպես կարևոր է, և մենք լրջորեն մտածում ենք այս հարցի շուրջ մեր Արդյունաբերության և տեխնոլոգիաների նախարարության և անվտանգության այլ ստորաբաժանումների հետ: Մենք ամեն օր կանխում ենք ավելի քան 400 խոշոր հարձակում: Այս փուլում մենք աշխարհի կիբերանվտանգության ոլորտի լավագույն 10 երկրների շարքում ենք։ Կարող եմ ասել, որ անհանգստանալու կարիք չկա, բայց միանշանակ շատ աշխատանք ունենք անելու»,- ասել է Ուրալօղլուն։
Թարգմանությունը՝ Էմմա Չոբանյանի
