22.06.2026 | 20:30
Երևանի կարճամետրաժ ֆիլմերի 9-րդ միջազգային կինոփառատոնն այս տարի կանցկացվի հունիսի 25-29-ը՝ Երևանում և Գյումրիում
ԱՄՆ-ում ռուսաստանցու են ձերբակալել՝ ԱԹՍ-ների համար ՌԴ-ին միկրոէլեկտրոնիկա մատակարարելու մեղադրանքով
Քաղաքականություն
17.09.2024 | 12:45
ԱՄՆ-ում ձերբակալել են ռուսաստանցի Դենիս Պոստովոյին՝ արտահանման սահմանափակումները խախտելու, փողերի լվացման ու ՌԴ երկակի և ռազմական նշանակության միկրոէլեկտրոնիկայի ապօրինի մատակարարման մեղարդանքներով։ Այս մասին հայտնում է ԱՄՆ արդարադատության նախարարությունը։
Գերատեսչության տվյալներով՝ 44-ամյա Պոստովոյը բնակվում էր Սարասոտայում (Ֆլորիդա) և առնվազն 2022 թվականի փետրվարից գնում և ապօրինի արտահանում էր Միացյալ Նահանգներից էլեկտրոնային բաղադրիչներ, որոնք կարող էին օգտագործվել անօդաչու թռչող սարքերի արտադրության մեջ։
Հետաքննության տվյալներով՝ Պոստովոյը ղեկավարել է ընկերությունների ցանց Ռուսաստանում, Հոնկոնգում և այլ երկրներում։ Ենթադրվում է, որ նա կեղծ տեղեկություններ է ներկայացրել արտահանման փաստաթղթերի վերաբերյալ և միկրոէլեկտրոնիկա է ուղարկել Ռուսաստան այլ երկրների միջոցով, այդ թվում՝ Հոնկոնգի և Շվեյցարիայի։
«Պնդում կա, որ նա ստել է իր առաքած սարքավորումների վերջնական նպատակակետի մասին և օգտագործել է միջանկյալ ուղղություններ՝ իր անօրինական գործունեությունը թաքցնելու համար»,- ասել է դատախազ Մեթյու Մ.Գրեյվսը:
Պոստովոյին կալանքի տակ պահելու հարցով դատական նիստը կկայանա սեպտեմբերի 19-ին։
Հետաքննությունը վարում է Ներքին անվտանգության վարչությունը։ Այնը համակարգում է Disruptive Technology Strike Force միջգերատեսչական խումբը, որի կազմում ընդգրկված են ԱՄՆ արդարադատության և առևտրի նախարարությունների աշխատակիցները։
ԱՄՆ-ում Ռուսաստանի դեսպանատունը տեղեկություն է խնդրել Պոստովոյի գտնվելու վայրի մասին։ Դիվանագիտական ծառայությունը պնդում է, որ նրա ձերբակալության մասին պաշտոնական ծանուցում չի ստացել։
