30.05.2026 | 23:02
ՊՍԺ-ն երկրորդ տարին անընդմեջ դարձավ Չեմպիոնների լիգայի հաղթող․ ՏԵՍԱՆՅՈՒԹ
ՔՊ-ն նմանվում է «Վրացական երազանք»-ին․ՌԴ-ի հետ սեղանի տակ գործակցում են, Արևմուտքին ռևերանսներ անում․ ՏԵՍԱՆՅՈՒԹ
Քաղաքականություն
16.09.2024 | 19:00
«ՀՀ-ն պիտի ԵՄ անդամ դառնա՝ անվտանգությունը, զարգացումը, ազգային ինքնությունը պաշտպանելու համար, և այս սցենարին չկա որևէ այլընտրանք։ Դա ամենահաջողված ռազմաքաղաքական դաշինք է։ ԵՄ ստորագրահավաքով աշխարհը կտեսնի, որ ՀՀ-ի ժողովուրդը ուզում է Եվրոպա։ Արևմուտքը կօգնի ՀՀ-ին դուրս գալ ՌԴ-ի ստվերի տակից, ժողովուրդը չէ, որ Պուտինի ստվերի տակ է, այլ՝ ՀՀ իշխանությունը։ Հանրաքվեի արդյունքում Արևմուտքը կտեսնի հայ ժողովրդի ազատատենչությունը»,- Factor TV-ի հետ հարցազրույցում ասում է Հայաստանի Եվրոպական կուսակցության ղեկավար Տիգրան Խզմալյանը՝ պատասխանելով այն հարցին, թե ինչո՞ւ պետք է Հայաստանը դիմի ԵՄ-ին անդամակցելու համար։ Նրա քաղաքական ուժը «Ժողովրդավարական ուժերի հարթակի» անդամ է, և այս ուժերը այսօրվանից սկսել են ստորագրահավաք հանրաքվե նշանակելու նպատակով։
Տիգրան Խզմալյանն ասում է` ամիսներ առաջ է համոզվել, որ Հայաստանի գործող կառավարությունը գործնական քայլ չի անելու ռուսական ինտեգրացիոն միավորներից ազատվելու, ԵՄ-ին անդամակցության հայտ ներկայացնելու նպատակով։ Այդ բացը, նրա պնդմամբ, լրացնում է «Ժողովրդավարական ուժերի հարթակ»-ը։
«ՔՊ-ն նմանվում է «Վրացական երազանք»-ին, ՌԴ-ի հետ խայտառակ աճ կա առևտրի բալանսում։ Նրանք հոխորտում էին ՌԴ ուղղությամբ, բայց նաև՝ ռևերանսներ անում Արևմուտքին, բայց սեղանի տակ լավ էլ գործակցում են ՌԴ-ի հետ։ Արկածախնդրություն է ՔՊ-ի կուրությունը, որ չեն տեսնում՝ ՌԴ-ն թշնամի է, ոչ թե դաշնակից։ Չտեսավ դա իշխանությունը, և ՀՀ-ն բերեց այս վիճակին։ Օր առաջ ԵՏՄ-ից և ՀԱՊԿ-ից պետք է դուրս գալ, թե՞ այնտեղ մնալն է իմաստուն որոշում։ Պետությունը կոլապսի չի գնա, ԵՄ-ն և Արևմուտքը ռազմական և տնտեսական աջակցություն են տվել մեզ և կշարունակեն աջակցել ՀՀ-ին»,- ասաց Հայաստանի Եվրոպական կուսակցության ղեկավար Տիգրան Խզմալյան։
Հարցազրույցն ամբողջությամբ՝ տեսանյութում։
Ռոբերտ Անանյան
