30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վրաստանը ողջունում է ՀՀ-Ադրբեջան հակամարտության լուծումը, պատրաստ ենք մեր դերակատարումն ունենալ․ ՏԵՍԱՆՅՈՒԹ
Քաղաքականություն
16.09.2024 | 16:46
Վրաստանն աջակցում է Հարավային Կովկասում խաղաղությանն ու կայունությանը։
Հակամարտության լուծման ուղղությամբ ողջունում ենք ՀՀ-ի և Ադրբեջանի միջև լուծման դրական ընթացքը, այս մասին ՀՀ վարչապետ Նիկոլ Փաշինյանի հետ ասուլիսի ժամանակ հայտարարեց Վրաստանի վարչապետ Իրակլի Կոբախիձեն։
«Դրանում պատրաստ ենք նաև մեր դերակատարումն ունենալ, նաև պատրաստ ենք մեր ուժերի ներածին չափով ապահովել կայունությունը տարածաշրջանում»,- նշեց նա։
Իրակլի Կոբախիձեն նաև նշեց, որ ուրախ է ռազմավարական համագործակցություն ձևավորվել Վրաստանի և Հայաստանի միջև։ Ըստ նրա՝ որ ռազմավարական համագործակցությունը կխթանի երկու երկրների հարաբերությունների խորացումը։
«Իմ երախտագիտությունն եմ հայտնել ՀՀ վարչապետին՝ ՄԱԿ-ի բանաձևին կողմ քվեարկելու համար, որն առնչվում էր Աբխազիայից բնակիչների բռնի տեղահանմանը և վերադարձին։ Այդ որոշումը կնպաստի մեր երկու երկրների հարաբերությունների հետագա ամրապնդմանը։ Մեր հարաբերությունների դինամիկան շատ բարձր է, բարձրաստիճան այցերը հաճախակի են։ Մենք պարտավոր ենք այս դինամիկան պահպանել»,- հայտարարել է Վրաստանի վարչապետը։
Մանրամասները՝ տեսանյութում։
