30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Այն, ինչ ՀՀԿ-ն արեց Հայաստանի գլխին, նույնիսկ ՍԵՊԱ-ի ստորագրումը չի արդարացնում․ Խուրշուդյան․ ՏԵՍԱՆՅՈՒԹ
Քաղաքականություն
16.09.2024 | 15:37
Այսօրվանից մեկնարկել է «Ժողովրդավարական ուժերի հարթակ» նախաձեռնության կազմակերպած ստորագրահավաքը։ 60 օրվա ընթացքում` նախաձեռնող խումբը պետք է հավաքի 50 հազար ստորագրություն, որպեսզի ԵՄ-ին անդամակցության հարցով օրինագիծը մտնի ԱԺ օրակարգ։ Նախաձեռնության անդամները իրենց ստորագրությունները դրեցին Երևանի կենտրոն վարչական շրջանի շենքում։
«Ժողովրդավարական ուժերի հարթակ» նախաձեռնության անդամ, «Ազատ քաղաքացի» հասարակական կազմակերպության նախագահ Հովսեփ Խուրշուդյանը Factor TV-ի հետ զրույցում հայտնեց, որ ստորագրահավաքին մասնակցողների թիվը մեծ է։ Ըստ նրա՝ նախատեսված ստորագրությունները հնարավոր է վերջնաժամկետից էլ շուտ հավաքվի։ Նա նշեց, որ այս պահին ստորագրահավաքի անցկացման վերաբերյալ տեխնիկական հարցերն են լուծում։
Հովսեփ Խուրշուդյանը հայտարարեց, որ այս ստորագրահավաքը եվրոպական ձգտումների մասին չէ, այլ Եվրամիությանն անդամակցելու։
«Երբ իշխանական շատ ներկայացուցիչներ ասում են՝ մենք էլ ենք ԵՄ ինտեգրման կողմնակից, բայց ստորագրահավաքի կարիք չկա,սերտ կապեր զարգացնենք ԵՄ-ի հետ, մենք դրան կողմնակից չենք։ Մենք կարծում եմ՝ ԵՄ-ի անդամակցության օրակարգը պետք է հաստատվի»,- կարծիք հայտնեց մեր զրուցակիցը։
Հարցազրույցն ամբողջությամբ՝ տեսանյութում։
