24.04.2026 | 19:17
Ըմբշամարտի ԵԱ. Թևանյանը և Խնձրցյանը կգոտեմարտեն բրոնզե մեդալի համար
Թեհրանը սկզբունքային դիրքորոշում ունի միջազգային սահմանների անձեռնմխելիության վերաբերյալ․ Իրանի ԱԳ փոխնախարարը՝ ՀՀ գործընկերոջը
Քաղաքականություն
13.09.2024 | 11:35
ՀՀ ԱԳ փոխնախարար Վահան Կոստանյանն ու Իրանի նորանշանակ ԱԳ փոխնախարար Մաջիդ Թախտ Ռավանչին հեռախոսազրույց են ունեցել։ Այս մասին կողմերը հայտնել են X-ի իրենց միկրոբլոգներում։
«Ես վերահաստատել եմ մեր մեծ ցանկությունը՝ ամրապնդելու հարաբերությունները մեր բոլոր հարևանների հետ։ Ես հայտնել եմ նաև մեր սկզբունքային դիրքորոշումը միջազգային սահմանների անձեռնմխելիության վերաբերյալ։ Ես սիրով ընդունեցի Երևան այցելելու նրա հրավերը»,- գրել է Ռավանչին։
Վահան Կոստանյանն էլ տեղեկացրել է, որ շնորհավորել է իրանցի գործընկերոջը նշանակման կապակցությամբ։
«Մենք գնահատում ենք Իրանի աջակցությունը Հայաստանի տարածքային ամբողջականությանը։ Մտքեր ենք փոխանակել այս կապակցությամբ վերջին զարգացումների շուրջ»,-գրել է ՀՀ ԱԳ փոխնախարարը։
