21.01.2026 | 23:30
Ինչ իրավիճակ է Հայաստանի ճանապարհներին և Լարսում
Հայաստանի և Վրաստանի հարաբերություններում դեռևս չօգտագործված ներուժ կա. Մամուկա Բախտաձե
Քաղաքականություն
10.09.2018 | 16:13
Հավատում եմ, որ Վրաստանի և Հայաստանի հարաբերություններն է՛լ ավելի կխորանան տարբեր ուղղություններով, և մեր ակտիվ փոխայցելությունները դրա նախադրյալն են: Այս մասին այսօր՝ սեպտեմբերի 10-ին, ՀՀ վարչապետ Նիկոլ Փաշինյանի հետ հանդիպումից հետո հայտարարեց պաշտոնական այցով Հայաստան ժամանած Վրաստանի վարչապետ Մամուկա Բախտաձեն:
«Այսօրվա հանդիպմանը ես և իմ գործընկերը քննարկեցինք երկու երկրների համագործակցության հիմնական ուղղությունները՝ քաղաքական, տրանսպորտ, էներգետիկա, զբոսաշրջություն, մշակույթ, կրթություն, նորարարություն, և համոզվեցինք, որ դեռևս չօգտագործված ներուժ ունենք»,- նշեց Վրաստանի վարչապետը:
Նրա խոսքով՝ նոյեմբերին Թբիլիսիում հյուրընկալելու են հայ-վրացական միջկառավարական հանձնաժողովի նիստը: Ծրագրում են քննարկել նախագծեր և կարևոր գաղափարներ՝ առևտրատնտեսական ուղղությամբ հարաբերություններն առավել խորացելու համար:
Հանդիպման ընթացքում անդրադարձ է եղել նաև Վրաստանի Եվրատլանտյան գործընթացին և արձանագրած հաջողություններին, Հայաստանի ու Եվրամիության միջև հարաբերությունների ակտիվացմանը:
Նշենք, որ Վրաստանի վարչապետի պաշտոնում նշանակվելուց հետո սա Մամուկա Բախտաձեի առաջին այցն է Երևան:
