Դատախազը սուտ մատնություն կատարելու մեջ մեղադրվող անձի վերաբերյալ քրեական գործը հանձնել է դատարան

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Դատախազը 2024 թվականի սեպտեմբերի 10-ին հաստատել է Արագածոտնի մարզի բնակչի կողմից սուտ մատնություն կատարելու վերաբերյալ քրեական վարույթով մեղադրական եզրակացությունը և վարույթի նյութերը հանձնել իրավասու դատարան․ տեղեկացնում են ՀՀ գլխավոր դատախազությունից։

Քրեական վարույթով պարզվել է, որ Ս.Ն.-ն իրավապահ մարմիններին հայտնել է սուտ տեղեկություն այն մասին, որ Արագածոտնի մարզի բնակավայրերից մեկում մոտեցել է բարձրաստիճան պաշտոնատար անձին, բողոքել մեկ այլ բնակավայրում կատարված ասֆալտապատման և հիվանդանոցի վերանորոգման աշխատանքների որակից, որից հետո՝ 2024 թվականի հուլիսի 13-ին, առավոտյան ժամը 08:30-ի սահմաններում, դիմակավորված 2 անձինք կանգնեցրել են իր վարած ավտոմեքենան, պարկով փակել են գլուխը, նստեցրել ամենագնացն ու իրեն տեղափոխել կիսաքանդ շինություն՝ ասելով. «Ով է ասել, որ մոտենաս, տուն ունես, ընտանիք ունես, կարաս և չունենաս»: Այնուհետև, իր գլուխը կրկին պարկով փակելով, տեղափոխել են այլ տարածք, իջեցրել ավտոմեքենայի սրահից և հեռացել:

Քրեական վարույթով պարզվել է, որ Ս.Ն.-ն, ցանկություն ունենալով իբրև քաղաքական հետապնդումների ենթարկված անձ՝ եվրոպական որևէ երկրում ապաստան ձեռք բերել, որոշել է լրագրող հրավիրել և հանրային եղանակով բողոք ներկայացնել Արագածոտնի մարզի բնակավայրում իրականացված շինարարական աշխատանքների վերաբերյալ: Տեղեկանալով բարձրաստիճան պաշտոնատար անձի կողմից Արագածոտնի մարզ այց կատարելու մասին՝ մարզի բնակավայրերից մեկում մոտեցել է վերոնշյալ պաշտոնատար անձին և բողոքել բնակավայրում կատարված աշխատանքների որակից: Իր նպատակին հասնելու համար՝ արհեստական ապացույցներ ստեղծելու եղանակով, 2024 թվականի հուլիսի 13-ին՝ առավոտյան ժամը 08:15-ի սահմաններում, դուրս գալով տանից, իր անձնական օգտագործման ավտոմեքենայով ուղևորվել է դեպի Արթիկ համայնք: Ճանապարհին՝ Գեղաձոր-Հնաբերդ բնակավայրերի միջնամասում, ավտոմեքենան կայանելով ճամփեզրին, իր անձնական օգտագործման իրերը, այդ թվում՝ բջջային հեռախոսը, թողել է ավտոմեքենայի սրահում և ճանապարհին հանդիպած ավտոմեքենայով գնացել Արթիկ համայնք: Ս.Ն.-ն Արթիկի հյուրանոցներից մեկում սենյակ է վարձակալել, մինչև ժամը 20:30-ը մնացել հյուրանոցում, այնուհետև, հանձնելով սենյակը, այլ ավտոմեքենայով վերադարձել է Արագածոտնի մարզ, ներկայացել իրավասու մարմին և իրականությանը չհամապատասխանող տեղեկություն հայտնել ծանր հանցանքի՝ մի խումբ անձանց կողմից իրեն առևանգելու վերաբերյալ:

Դատախազը 2024 թվականի օգոստոսի 8-ին Ս.Ն.-ի նկատմամբ հարուցել է հանրային քրեական հետապնդում՝ Քրեական օրենսգրքի 476-րդ հոդվածի 2-րդ մասի 3-րդ և 4-րդ կետերով (սուտ մատնություն, որը զուգորդվել է անձին ծանր կամ առանձնապես ծանր հանցագործության մեջ մեղադրելով և մեղադրանքի արհեստական ապացույց ստեղծելով):

Ներկայացված մեղադրանքում Ս.Ն.-ն իրեն մեղավոր է ճանաչել, տվել է խոստովանական ցուցմունքներ:

Ծանուցում. հանցագործության համար մեղադրվողը համարվում է անմեղ, քանի դեռ նրա մեղավորությունն ապացուցված չէ Քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: