27.05.2026 | 15:55
«Ժողովրդի զահլա»-ի արձան` Ալեք Մանուկյան փողոցում․ ՏԵՍԱՆՅՈՒԹ
Հայաստանը չպետք է դադարեցնի Արցախի հայերի իրավունքների հետ կապված պահանջները. Արսեն Խառատյան․ ՏԵՍԱՆՅՈՒԹ
Քաղաքականություն
10.09.2024 | 22:00
Կարծում եմ՝ այս փուլում Ադրբեջանը պատրաստ չէ գնալ խաղաղության պայմանագրի ստորագրման, բոլոր գործողությունները, որ մենք տեսնում ենք, և բոլոր հայտարարությունները, անում է պաշտոնական Բաքուն, խոսում են այն մասին, որ Ալիևը ժամանակ է ձգում։ Ես Ադրբեջանի մոտ մոտիվացիա չեմ տեսնում ինչ-որ բան ստորագրել COP29-ից առաջ, Factor TV-ի հետ զրույցում ասում է Lava Media-ի հիմնադիր, քաղաքական հարցերով փորձագետ Արսեն Խառատյանը։
Նա կարծում է, որ չհամաձայնեցված հարցերի թվում «միջանցքի» կամ Արցախի հարց չկա։
«Վստահ չեմ, որ չհամաձայնեցված հարցերի թվում «միջանցքի» կամ Արցախի հարց կա։ Անցյալ տարվա դեկտեմբերին Ալիևը բացահայտ հայտարարեց, որ հայկական կողմն իրենց հետ չի քննարկում Արցախի հարցը, և մենք տեսնում ենք, որ Հայաստանի պաշտոնական քաղաքականությունը հաճախ չի հիշատակում Լեռնային Ղարաբաղը։ Ես կողմնակից եմ ամեն ինչ համալիր քննարկելուն, եթե նույնիսկ մոտ ապագայում համաձայնություն ձեռք չբերվի, և որ քննարկումները կառուցողական լինեն, ինչը, ցավոք, ես չեմ տեսնում»,- նշում է Խառատյանը։
Ինչ վերաբերում է հայ-ադրբեջանական հարաբերությունների կարգավորման արևմտյան ձևաչափին, նա փորձագետը հիշեցնում է, որ երկրների առաջնորդների՝ Լոնդոնում ծրագրված վերջին հանդիպումը չկայացավ, սակայն հավելում է՝ Արևմուտքը չի հեռանում բանակցային գործընթացից։
Հարցազրույցն ամբողջությամբ՝ տեսանյութում։
Սամվել Մելիքսեթյան
