21.10.2026 | 11:26
ՀԿԿ-ն գաղտնի տեսագրություն է հրապարակել Ստեփանավանից․ «Վեկալ, ասըմ եմ դիր ջեբդ, ձեռդ մի պահի»․ ՏԵՍԱՆՅՈՒԹ
Աղբահանության խնդիրը շատ արագ հնարավոր է լուծել, եթե ներգավվի երկրորդ օպերատոր․Գայանե Աբրահամյան․ ՏԵՍԱՆՅՈՒԹ
Քաղաքականություն
10.09.2018 | 13:55
Քաղաքացիները, կարծես թե, տրամադրված են մասնակցելու ընտրություններին, ինչը քարոզարշավի նպատակներից մեկն է։ Այս մասին այսօր «Իմ քայլը» դաշինքի քարոզարշավի ժամանակ ասաց դաշինքի անդամ, լրագրող Գայանե Աբրահամյանը։
«Երբ մարդիկ տեսնում են, որ որևէ գործ չի արվում, իրենք էլ չեն ուզում ներգրավվել որևէ գործի, բայց երբ տեսնում են, որ գործ է արվում, իրենք սկսում են մասնակցել, և այդ մշակույթը սկսում է ձևավորվել»,- ասաց Գայանե Աբրահամյանը։
Խոսելով Երևան քաղաքի առաջնային խնդիրների մասին՝ Գայանե Աբրահամյանն առանձնացրեց աղբահանության խնդիրը և շեշտեց, որ եթե օրինակ, շատ կարճ ժամանակում կազմակերպվի մրցույթ և ներգարվվի երկրորդ օպերատոր, շնորհիվ մրցակցության հնարավոր կլինի լուծել աղբահանության խնդիրը։
«Այստեղ թափանցիկ մրցակցության խնդիրը պետք է դրվի, որը շատ արագ լուծելու հարց է»,- ասաց նա՝ շեշտելով, որ ի տարբերություն աղբահանության՝ տրանսպորտի խնդրի լուծումն, օրինակ, ավելի երկար ժամանակ է պահանջում։
Գայանե Աբրահամյանը նաև շեշտեց, եթե նախկինում որպես լրագրող լսում և բարձրաձայնում էր քաղաքացիների խնդիրները, հիմա, երբ դարձել է «Իմ քայլը» դաշինքի անդամ, արդեն կրում է նաև պատասխանատվություն այդ խնդիրները լուծելու համար։
Մանրամասները՝ տեսանյութում։
