14.10.2026 | 13:53
«Խոսրովի անտառ» պետական արգելոցում բեզոարյան այծեր են տեսանկարահանվել
50 մլն դրամ գրավի չափը չափազանց բարձր է․ Երեմ Սարգսյան
Հասարակություն
10.09.2018 | 13:30
Սերժ Սարգսյանի եղբորորդու` Հայկ Սարգսյանի պաշտպան Երեմ Սարգսյանը կարծում է, որ դատարանի կողմից կիրառված 50 մլն դրամ գրավի չափը չափազանց բարձր է, քանի որ նմանատիպ գործերով առավելագույնը սահմանվում է 3 կամ 5 մլն դրամ։ «Այդ ամենով հանդերձ՝ վճարումը կկատարվի դատարանի դեպոզիդ հաշվին, որից հետո նոր Հայկ Սարգսյանը ազատ կարձակվի»,- լրագրողների հետ զրույցում ասաց պաշտպանը։
Խոսելով իր պաշտպանյալի գործով հետագա դատավարական գործընթացների մասին՝ Երեմ Սարգսյանը նշեց, որ Հայկ Սարգսյանն ինքնակամ ներկայացել է նախաքննական մարմնին և չի խոչընդոտել իրավապահ մարմինների գործունեությունը, հետևաբար կարծում է՝ Հայկ Սարգսյանի կալանավորումն ուղղակիորեն կապված է այս գործի բնույթի հետ, իսկ կալանավորման հիմքեր էլ չկան։
«Դատարանը ակնհայտորեն խախտել է տարրական իրավաբանական նորմերը։ Մենք իրականում, սակայն, հույս չունեինք, որ դատարանը նման որոշում կկայացներ և ուրախ եմ, որ նման որոշում կայացավ։ Դատարանը վեր կանգնեց այն մոտեցումներից, որոնք ի սկզբանե կային առաջին դատական նիստի ընթացքում»,- ասաց պաշտպանը։
