23.06.2026 | 14:53
Բաքուն ԱՄՆ Կոնգրեսում Հայաստանի կողմից, իբր, «ադրբեջանցիների էթնիկ զտումների» մասին համաժողով է նախաձեռնել
Երևանում անգամ մեկ սարայ չի քանդվելու, սա պետք է լինի սկզբունք, որը չի ստորադասվելու. Գայանե Աբրահամյան
Քաղաքականություն
09.09.2018 | 14:03
«Իմ քայլը» դաշինքի անդամ Գայանե Աբրահամյանի խոսքով՝ իրենց դաշինքի ներկայացրած ծրագիրն իրատեսական է, քանի որ կա հստակ պատկերացում, թե որտեղից և ինչ ներդրումների միջոցով են ծրագրում ներառված միջոցառումներն իրականացվելու:
Այս մասին այսօր հրավիրված մամուլի ասուլիսի ժամանակ ասաց նա՝ առանձնացնելով հատկապես նախադպրոցական հաստատությունների շուրջ ստեղծված իրավիճակը:
Ըստ Աբրահամյանի՝ խախտված է ավելի քան երկու տասնյակ հազարից ավել երեխայի՝ նախադպրոցական հաստատություն հաճախելու իրավունքը, չնայած այն հանգամանքին, որ նախադպրոցական կրթությունը երեխայի զարգացման համար կարևորագույն օղակն է հանդիսանում:
Գայանե Աբրահամյանը նկատեց, որ վերջին տարիներին Երևանում վերացվել է 80 մանկապարտեզ, իսկ շենքերի տեղերում կառուցվել են էլիտար շենքեր են և այլն:
Գահանե Աբրահամյանն, ի թիվս այլ խնդիրների, առանձնացրեց նաև պատմամշակութային շենքերի ցանկի խնդիրը և նշեց, որ այդ ցանկը պետք է վերանայվի:
«Երևանում անգամ մեկ սարայ չի քանդվելու, սա պետք է լինի սկզբունք, որը չի ստորադասվելու»,-ասաց նա:
