Փաշինյանը կոպիտ սխալ կգործի՝ BRICS-ին մասնակցելով, որը «հակաարևմուտք» է․ Ադրբեջանի հարձակումը Արևմուտքն է կանխում․ Արեգ Քոչինյան․ ՏԵՍԱՆՅՈՒԹ

Հայաստանը մասնակցելու է հոկտեմբերին Կազանում կայանալիք BRICS-ի գագաթնաժողովին։ Այս մասին ճեպազրույցի ժամանակ ասել է ՀՀ փոխարտգործնախարար Մնացական Սաֆարյանը։ Factor.am-ը ՀՀ վարչապետ Նիկոլ Փաշինյանի մամուլի խոսնակ Նազելի Բաղդասարյանից փորձել էր ճշտել՝ արդյո՞ք վարչապետն անձամբ է մասնակցելու ԲՐԻԿՍ-ի գագաթաժողովին։ «Վարչապետի այցերը ժամանակին, ըստ անհրաժեշտության լուսաբանվում են, նաև տեղեկատվություն է տրամադրվում դրանց վերաբերյալ։ Պատեհ պահին տեղեկացնում ենք, ինչպես և միշտ, վարչապետի այցերի մասին»,- նշեց Նազելի Բաղդասարյանը՝ չհերքելով վարչապետի մասնակցությունը։ BRICS-ի գագաթնաժողովը կանցկացվի հոկտեմբերի 22-24-ը Կազանում։ Ավելի վաղ BRICS-ին անդամակցության հայտ էին ներկայացրել Թուրքիան և Ադրբեջանը։ BRICS երկրներին բաժին է ընկնում Երկիր մոլորակի տարածքի 34%-ը և բնակչության 45,2%-ը։ ՀՆԱ-ն գնողունակության համարժեքով կազմել է համաշխարհային արժեքի 36,7%-ը։ Ավելի վաղ ՌԴ նախագահի օգնական Յուրի Ուշակովը հայտնել էր, որ ԱՊՀ երկրների ղեկավարները և ԲՐԻԿՍ-ին անդամակցելու կամ համագործակցության հայտ ներկայացրած պետությունները հրավիրված են կազմակերպության` Կազանում կայանալիք գագաթնաժողովին։ «Բացի 9 անդամ երկրներից, հրավիրվել են նաև ԱՊՀ երկրների ղեկավարները», – ասել Էր Ուշակովը։

Factor TV-ի հետ հարցազրույցում Անվտանգային քաղաքականության հետազոտական կենտրոնի ղեկավար Արեգ Քոչինյանը պնդում է, որ կոպիտ սխալ կլինի ՀՀ վարչապետի մասնակցությունը այս կազմակերպության համաժողովին․ «Կոպտագույն ռազմավարական սխալ կլինի Հայաստանի ղեկավարի մակարդակով մասնակցությունը BRICS-ի գագաթնաժողովին։ Ինչո՞ւ Ադրբեջանը չի շարունակում իր հարձակումները, քանի որ կա Արևմուտքի միջամտությունը և կանխարգելումը։ Այս պարագայում գնալ և մասնակցել BRICS-ի գագաթնաժողովին, սխալ կլինի»։

Հարցազրույցն ամբողջությամբ՝ տեսանյութում։

Ռոբերտ Անանյան