22.06.2026 | 13:44
Իրանի ֆուտբոլի հավաքականը հանդերձարանում շնորհակալական նամակ է թողել Աշխարհի առաջնությունը հյուրընկալող Լոս Անջելեսին
Թուրքիայում կալանավորել են երկրում Իսրայելի հատուկ ծառայության ֆինանսական ցանցի ղեկավարին
Քաղաքականություն
03.09.2024 | 17:59
Թուրքիայում դատարանը կալանավորել է երկրում իսրայելական հետախուզական ծառայության՝ ՄՈՍԱԴ-ի ֆինանսական ցանցի ղեկավար Լիրիդոն Ռեքսեփիին։ Այս մասին հայտնում են տեղական լրատվամիջոցները՝ վկայակոչելով անվտանգության աղբյուրներին։
Հաղորդվում է, որ նա Կոսովոյի քաղաքացի է։
Նշվում է, որ իսրայելական հետախուզության անունից Ռեքսեփին անօդաչու թռչող սարք է օգտագործել՝ կադրեր նկարահանելով, ինչպես նաև պաղեստինյան քաղաքական գործիչների դեմ հոգեբանական գործողություններ է իրականացրել։ Բացի այդ, նա Թուրքիայում աշխատակիցներին գումարներ է փոխանցել, որոնք Սիրիայի մասին տեղեկություններ են հավաքել։
Թուրքիայի հետախուզական գործակալությունը (MİT) վերահսկել է Ռեքսեփիի հաշվում կատարված բոլոր կասկածելի գործարքները և պարզել, որ նա բազմաթիվ անգամներ Western Union-ի միջոցով դրամական փոխանցումներ է կատարել Թուրքիայում աշխատող անձնակազմին։ Նրա նկատմամբ հսկողություն է սահմանվել օգոստոսի 25-ից, երբ վերջինս մուտք է գործել Թուրքիա։
Նշվում է, որ թուրքական հետախուզության և Ստամբուլի ոստիկանության համակարգված գործողությունների արդյունքում նա ձերբակալվել է օգոստոսի 30-ին։ Հարցաքննության ժամանակ Ռեքսեփին խոստովանել է, որ դրամական փոխանցումներ է կատարել։
