15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Մեր հարաբերություններում չկան անլուծելի հարցեր, վստահ եմ, որ դրանք կլուծվեն՝ հարգելով երկրների սուվերենությունն ու ներքին գործերին չխառնվելու սկզբունքը. Փաշինյանը՝ Պուտինին
Քաղաքականություն
08.09.2018 | 16:14
ՀՀ վարչապետ Նիկոլ Փաշինյանը հանդիպել է ՌԴ նախագահ Վլադիմիր Պուտինի հետ: Հանդիպման ընթացքում քաղաքական գործիչներն ընդգծել են երկու երկրների միջև բոլոր ոլորտներում առաջընթաց զարգացման մասին. գրում է ren.tv-ն:
Ռուսաստանի ղեկավարը շեշտել է, որ Ռուսաստանի և Հայաստանի միջև երկկողմ հարաբերությունները դարեր շարունակ առանձնահատուկ բնույթ են կրել: Փաշինյանը համաձայնել է ռուս քաղաքական գործչի հետ, ապա վստահություն հայտնել, որ Ռուսաստանի և Հայաստանի հարաբերություններում անլուծելի խնդիրներ չկան:
«Արմենպրեսի» փոխանցմամբ՝ Նիկոլ Փաշինյանն ասել է. «Ի հեճուկս թե՛ հայկական, թե՛ ռուսական լրատվամիջոցներում ու սոցցանցերում առկա որոշ վատատեսության, պետք է նշել, որ մեր հարաբերությունները զարգանում են դինամիկ, բնական կերպով։ Կարծում եմ, որ մեր գլխավոր նպատակը ու խնդիրն է՝ փորձել բացել հարաբերությունների ողջ ներուժը: Մեր հարաբերություններում չկան անլուծելի հարցեր։ Վստահ եմ, որ դրանք կլուծվեն՝ հաշվի առնելով մեր գործընկերային հարաբերությունների հետաքրքրությունները, հարգելով երկրների սուվերենությունն ու ներքին գործերին չխառնվելու սկզբունքը։ Շատ ուրախ եմ, որ մեր ռուս գործընկերներն ամեն անգամ մեր հարաբերությունների մասին խոսելիս ընդգծում են այս սկզբունքային հարցերը»:
