09.09.2026 | 14:56
«Սուտ եք խոսում, Տավուշից Ադրբեջանին գյուղ չի հանձնվել»․ բանավեճ՝ Ղալումյանի և Ղազարյանի միջև․ ՏԵՍԱՆՅՈւԹ
Իրանցի բլոգերը 12 տարվա ազատազրկման է դատապարտվել թվիթերյան գրառման համար
Քաղաքականություն
03.09.2024 | 14:29
Իրանում ընդդիմադիր բլոգեր Հոսեյն Շանբեհզադեն դատապարտվել է 12 տարվա ազատազրկման՝ ընդամենը մեկ կետ դնելով երկրի գերագույն հոգևոր առաջնորդ Ալի Խամենեիի գրառման տակ: Այս մասին հայտնում է Iran International-ը՝ հղում անելով նրա փաստաբան Ամիր Ռաիսիանին։
Շանբեհզադեն կետը X-ում մեկնաբանությունում դրել է մայիսին։ Մի քանի շաբաթ անց՝ այն բանից հետո, երբ նրա թվիթը զգալիորեն ավելի շատ հավանումներ է ստացել, քան Խամենեիի գրառումը, տղամարդը ձերբակալվել է: Օգոստոսի 31-ին Շանբեհզադեի փաստաբանը հայտարարել է, որ իր պաշտպանյալը դատապարտվել է 5 տարվա ազատազրկման՝ «Իսրայելի օգտին քարոզչության», 4 տարվա ազատազրկման՝ «իսլամական սրբությունները վիրավորելու», 2 տարվա ազատազրկման՝ «կեղծ տեղեկություններ տարածելու» և 1 տարվա ազատազրկման՝ «հակապետական քարոզչության» համար։
Ըստ փաստաբանի՝ Շանբեհզադեն 12 տարվա ազատազրկման ժամկետից հինգը պետք է անցկացնի բանտում, որից հետո կկարողանա պայմանական վաղաժամկետ ազատման դիմում ներկայացնել։ Փաստաբանը հույս ունի բողոքարկել դատավճիռը։
