Հասարակություն
02.09.2024 | 21:23Ինչո՞ւ Հրայր Թովմասյանը չի դիմել իրավապահներին, երբ միջամտել են իր գործունեությանը Սահմանադրական դատարանի դատավոր Հրայր Թովմասյանը բազմիցս հայտարարել է. իրեն զգուշացրել են, որ ՍԴ նախագահի պաշտոնից հրաժարական չտալու դեպքում իր նկատմամբ քրեական գործ է հարուցվելու:
«Սահմանադրական դատարանի մասին» օրենքի համաձայն` Սահմանադրական դատարանի դատավորի գործունեությանը միջամտության կամ նրա նկատմամբ այլ ներգործության յուրաքանչյուր փաստի մասին Սահմանադրական դատարանի դատավորն անհապաղ իրազեկում է Սահմանադրական դատարանի նախագահին, որն անհրաժեշտ միջոցներ ձեռնարկելու պահանջով դիմում է իրավասու պետական մարմիններին:
Ընդ որում` սա ՍԴ դատավորի համար ոչ թե իրավունք է, այլ օրենքում սահմանված պարտականություն: Տվյալ դեպքում Թովմասյանը եղել է ՍԴ նախագահը, և ենթադրվում է, որ իր գործունեության նկատմամբ միջամտության դեպքում պետք է դիմեր իրավապահներին: Իր գործի քննութունից հետո Հրայր Թովմասյանից հետաքրքրվեցինք, թե ինչո՞ւ չի դիմել իրավապահներին, երբ իր գործունեությանը միջամտություն է եղել, ինչին ի պատասխան Թովմասյան ասաց.
«Իսկ երբ միջամտություն իրականացնողն իրավապահներն ե՞ն»,- չմանրամասնելով, թե իրավապահ որ կառույցին կամ իրավապահ համակարգից կոնկրետ ով է միջամտել իր գործունեությանը:
Մանրամասները` տեսանյութում։
Արաքս Մամուլյան
