13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Փաշինյանի ասածն է՝ Արցախի անունը մի տվեք, որ Թուրքիայի հետ մեր խնդիրները լուծենք․ հասկանո՞ւմ եք ինչի ենք հասել․ Մարգարիտա Քարամյան. ՏԵՍԱՆՅՈՒԹ
Քաղաքականություն
02.09.2024 | 21:00
«Վերադարձ դեպի Դիզակ» ՀԿ ղեկավար Մարգարիտա Քարամյանը արցախյան շարժման ակտիվիստներից է, և իր ներդրումն է ունեցել, որ Արցախն ունենա անկախության հռչակման օր։ Եվ այսօր ամենից հաճախ հնչող հարցերից է՝ ինչո՞ւ տասնամյակներ անց ունենք բռնի տեղահանված արցախցիներ և հայաթափված Արցախ։ Ի՞նչ քաղաքական պատճառներ են բերել այս օրվան։ Մարգարիտա Քարամյանը անխուսափելի է համարում բռնի տեղահանումը՝ հաշվի առնելով, որ ռուսական զորքերին էր վերապահվել անվտանգության ապահովման գործառույթը։
«Որպես ի՞նչ Արցախ վերադառնանք, անհասկանալի է՝ էս մարդիկ ի՞նչ են հասկանում դա ասելով։ Ռուսների տակից դուրս գանք, մտնենք ուրիշի՞ տակ։ Արցախ վերադարձը ռոմանտիզմի շարքից չի, բայց դրան քաղաքական հիմնավորում պիտի տրվի։ Ադրբեջանը օկուպացրել է Արցախը, որը ՀՀ-ի մաս է, և դատարանում օկուպանտ է ճանաչվելու, այդ պատճառով պարտադրում է փոխել Սահմանադրությունը։ Ադրբեջանը պետք է ճանաչի ինքնորոշման մեր իրավունքը, և ստատուս տրվի Արցախին։ Ես կարծում եմ, որ սեպտեմբերի 19-ը անխուսափելի էր, քանի որ Արցախ ռուսական զորք էինք տարել, որոնք զիջեցին մեր երկիրը Ադրբեջանին, նրանք խաղաղապահներ չէին»,- ասաց Մարգարիտա Քարամյանը։
Նա պնդեց, որ եթե ռուսական զորքը չգնար Արցախ, ՊԲ-ն կկռվեր, և Արցախից հայերը ոչ մի կերպ դուրս չէին գա։ Նա քննադատեց նաև ՀՀ իշխանությունների քաղաքականությունը․ «Փաշինյանի ասածն է՝ Արցախի անունը մի տվեք, որ Թուրքիայի հետ մեր խնդիրները լուծենք․ հասկանո՞ւմ ինչի ենք հասել»։
Հարցազրույցն ամբողջությամբ՝ տեսանյութում։
Ռոբերտ Անանյան
