26.06.2026 | 12:02
Շախմատի աշխարհի 14-18 տարեկանների առաջնության ավարտին մնացել է մեկ խաղափուլ․ հայ պատվիրակների արդյունքները
Եթե մի քանի րոպե էլ ներս չթողնեք, ինձ բերման կենթարկեն. Հրայր Թովմասյանը` լրագրողներին․ ՏԵՍԱՆՅՈՒԹ
Հասարակություն
02.09.2024 | 16:21
Սահմանադրական դատարանի դատավոր Հրայր Թովմասյանն այսօր ներկայացել է իր գործով նիստին, որն ընթանում է Երևանի քրեական դատարանի Կենտրոնի նիստավայրում:
«Սպասեցի, ոչ ոք չեկավ հետևիցս»,- լրագրողներին ասաց Թովմասյանը` նկատի ունենալով, որ իրեն բերման չեն ենթարկել:
Ինչպես նիստի ընթացքում պարզվեց, Թովմասյանը Սահմանադրական դատարանում է, «սպասել իրեն բերման ենթարկելուն», մինչդեռ ոստիկանությունն այցելել է նրա տան հասցեով:
Թովմասյանը լրագրողների հետ զրույցում խոստացավ իր պաշտպանական ճառում անդրադառնալ գործի մանրամասներին, նիստի մեկնարկին փորձեց հայտարարություն անել, բայց դատավոր Տաթևիկ Գրիգորյանը թույլ չտվեց` խոստանալով, որ այսօրվա նիստի ընթացքում նրան հնարավորություն կտրվի հայտարարությամբ հանդես գալու:
Այս պահին Թովմասյանի պաշտպան Արամ Օրբելյանը շարունակում է ընթերցել պաշտպանական ճառը, որը սկսել է ընթերցել օգոստոսի 28-ին նշանակված դատական նիստին: Չնայած ճառը 600 էջից է բաղկացած, որի մեծ մասը դեռևս չի ընթերցվել, դատավորը 3 ժամ է տրամադրել պաշտպանին` ճառն ավարտելու համար:
Արաքս Մամուլյան
