Եթե Փաշինյանը Ծառուկյանին սար է տալիս լոյալության դիմաց, նշանակում է՝ ՀՀ-ն շարունակում է լինել քվազի-պետություն. Գարեգին Միսկարյան. ՏԵՍԱՆՅՈՒԹ

Վարչապետ Նիկոլ Փաշինյանը կառավարության նիստին հանրայնորեն հավանություն է արժանացրել մի նախագիծ, որը ո՛չ ՇՄԱԳ փորձաքննություն է անցել, ո՛չ էլ օրենքերով է նախատեսված եղել, այս մասին Factor TV-ի հետ զրույցում ասաց «Ժողովրդավարական հարթակ» հիմնադրամի տնօրեն Գարեգին Միսկարյանն՝ խոսելով ԲՀԿ առաջնորդ Գագիկ Ծառուկյանի նախաձեռնության ՝  Հիսուս Քրիստոսի արձանի մասին, որը պետք է տեղադրվի Հատիս լեռան վրա։

Միսկարյանը շարունակում է պնդել, որ Հատիս լեռան շուրջ հողերն ապօրինի են օտարվել։

«Ժողովրդավարական հարթակ» հիմնադրամի տնօրենի կարծիքով՝ Նիկոլ Փաշինյանի կառավարությունն օրենքները համապատասխանեցնում է Գագիկ Ծառուկյանի քմահաճույքներին։ Միսկարյանի դիտարկմամբ, այս ամենի արդյունքում հանցագործություն է տեղի ունենում։

«Ես խոստանում եմ, որ երբևէ հաջորդ իշխանությունները, որոնք կգան իշխանության այս գործը բացելու են։ Բայց ես դեռ հույս ունեմ, որ իշխանություններն այնքան խելամիտ կգտնվեն, որ այդ հանցագործությունները կբացահայտնվեն նախքան արձանը տեղադրելը, և դրանով կապացուցեն, որ հովանավորչություն տեղի չի ունեցել։ Հակառակ դեպքում այն բոլոր խոսակցություններո, որ կան, սարի փեշերի հողերը գնել է Նիկոլ Փաշինյանին շատ մոտ օլիգարխ-պատգամավոր, որը բարեկամական կապ ունի նաև Ծառուկյանի հետ, Ծառուկյանին այդ սարը տրվել է, որ նա լռի և չմիանա Սրբազան շարժմանը, որ Ծառուկյանին լռության համար սար են նվիրել, ճիշտ են։ Եթե վարչապետն այդ հանցագործության մասնակից չի, պետք է հրահանգի ՊՎԾ-ին՝ բացահատելու այդ հանցագործությունը։ Հակառակ դեպում դա ուղիղ նշան է, որ գնել է Ծառուկյանի լոյալությունը։ Եթե Փաշինյանն ուզում է ստեղծել իր օլիգարխիան, եթե Ծառուկյանին սար է տալիս նրա լոյալության դիմաց, նշանակում է՝ ՀՀ-ն շարունակում է լինել քվազի-պետություն»,- նկատեց մեր զրուցակիցը։

Գարեգին Միսկարյանն անդրադարձավ նաև ՌԴ-ից հնչող հայտարարությանը, որ, եթե ՀՀ-ն հրաժարվեր նոյեմբերի 9-ի փաստաթղթից, ապա կա´մ հետ կկանչեր իր դրած ստորագրությունը, կա´մ գոնե դրա մասին հրապարակային հայտարարություն կաներ: Ըստ նրա՝ Կրեմլից՝ Զախարովայի շուրթերից հնչող հայտարարությունները սպառնալիք են Հայաստանի ինքնիշխանությանը։

Հարցազրույցն ամբողջությամբ՝ տեսանյութում։

Մանյա Պողոսյան