14.12.2025 | 12:28
«ՀԷՑ»-ը տեղեկացնում է. ուժեղ քամիները հոսանքազրկումների պատճառ են դարձել
ԱՊՀ անդամ-պետությունների արտգործնախարարությունների միջև ՄԱԿ-ի գլխավոր ասամբլեայի 73-րդ նստաշրջանի օրակարգի հարցերով խորհրդակցություններ են անցկացվել
07.09.2018 | 21:50
Սեպտեմբերի 5-ին Մոսկվայում տեղի ունեցան ՄԱԿ-ի գլխավոր ասամբլեայի 73-րդ նստաշրջանի օրակարգի հարցերով խորհրդակցություններ ԱՊՀ անդամ-պետությունների արտաքին գործերի նախարարությունների միջև: Միջոցառմանը, որին մասնակցում էին ներկայացուցիչներ Հայաստանի, Բելառուսի, Ղազախստանի, Ռուսաստանի, Տաջիկստանի արտաքին քաղաքական գերատեսչություններից և ԱՊՀ գործադիր կոմիտեից, հայկական կողմը ներկայացնում էին ԱԳՆ միջազգային կազմակերպությունների վարչության պետ Վահրամ Կաժոյանը և Մոսկվայում ՀՀ դեսպանության դեսպանորդ Բորիս Սահակյանը:
Ինչպես տեղեկացրին տեղեկացրին ՀՀ արտաքին գործերի նախարարության տեղեկատվության և հասարակայնության հետ կապերի վարչությունից, խորհրդակցությունների օրակարգում էին ՄԱԿ-ի գլխավոր ասամբլեայի առաջիկա նստաշրջանին, ներառյալ՝ վերջինիս շրջանակներում ԱՊՀ անդամ-պետությունների համագործակցությանը, ՄԱԿ-ի 2030 կայուն զարգացման օրակարգին և ՄԱԿ-ի մարմիններում կայանալիք ընտրություններին վերաբերող հարցեր:
Սեպտեմբերի 6-ին ԱՊՀ խորհրդակցություններին հաջորդեցին ՄԱԿ-ի գլխավոր ասամբլեայի 73-րդ նստաշրջանի օրակարգի հարցերի շուրջ ՀԱՊԿ անդամ-պետությունների խորհրդակցությունները, որոնց մասնակցում էին նաև ՀԱՊԿ-ում անդամ-պետությունների մշտական ներկայացուցչությունների, ինչպես նաև ՀԱՊԿ քարտուղարության աշխատակիցներ։ Հայկական կողմը ներկայացված էր ԱԳՆ միջազգային կազմակերպությունների վարչության պետ Վահրամ Կաժոյանի և ՀԱՊԿ-ում ՀՀ ներկայացուցիչ Դավիթ Վիրաբյանի մակարդակով։
Խորհրդակցություններին ընդգծվեց ՀԱՊԿ անդամ-պետությունների արտաքին քաղաքականության համադրման կարևորությունը:
Մասնակիցների կողմից պայմանավորվածություն ձեռք բերվեց քննարկված հարցերի շուրջ շարունակել խորհրդակցությունները ինչպես երկկողմ, այնպես էլ՝ բազմակողմ մակարդակներում:
