15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Ալիևի հայտարարել է, թե Հայաստանը «միտումնավոր ձգձգում է խաղաղության հաստատումը»
Քաղաքականություն
30.08.2024 | 14:47
Ադրբեջանի նախագահ Իլհամ Ալիևը հայտարարել է, թե Հայաստանը, իբր, «միտումնավոր ձգձգում է խաղաղության հաստատումը, միաժամանակ Ֆրանսիայից և արևմտյան այլ երկրներից նոր զինատեսակներ է գնում ու իր տարածքում երրորդ կողմերի հետ զորավարժություններ անցկացնում»։ Այս մասին Ալիևը հայտարարել է ադրբեջանա-թուրքական միջխորհրդարանական խմբի ղեկավարի հետ հանդիպման ժամանակ։
Նրա պնդմամբ՝ Ադրբեջանը հանդես է գալիս «կայուն խաղաղության օգտին», սակայն, որպեսզի դա տեղի ունենա, Հայաստանի Սահմանադրությունից պետք է հանվեն «տարածքային պահանջները Ադրբեջանի նկատմամբ»։
Ալիևը ևս մեկ անգամ հայտարարել է՝ ԵԱՀԿ Մինսկի խումբը պահպանելու անհրաժեշտություն չկա, խումբն ու հարակից կառույցներն անցյալի մասունք են և պետք է վերացվեն։
«Եթե հակամարտությունը անցյալում է, և Հայաստանի վարչապետը աջակցություն է հայտնում Ադրբեջանի տարածքային ամբողջականությանը, ապա ինչո՞ւ է պետք Մինսկի խումբը։ Ըստ ամենայնի, Հայաստանը շահագրգռված չէ խաղաղության պայմանագրով և տարածաշրջանում կայուն խաղաղության հասնելով»,- հայտարարել է Ադրբեջանի նախագահը։
