08.10.2026 | 12:02
ՌԴ-ն զանգվածային հարված է հասցրել Ուկրաինային․ տասնյակ զոհեր կան
Պուտինը մեկնում է Մոնղոլիա, որը Հռոմի ստատուտի անդամ է
Քաղաքականություն
30.08.2024 | 14:32
ՌԴ նախագահ Վլադիմիր Պուտինը սեպտեմբերի 3-ին պաշտոնական այցով կմեկնի Մոնղոլիա, հաղորդում է Կրեմլի մամուլի ծառայությունը։
Meduza-ի փոխանցմամբ՝ Պուտինը Մոնղոլիա կժամանի երկրի նախագահ Ուխնաագին Խուրելսուխի հրավերով՝ մասնակցելու Խալխին Գոլ գետի վրա Ճապոնիայի զինված ուժերի դեմ խորհրդային և մոնղոլական զորքերի համատեղ հաղթանակի 85-ամյակին նվիրված հանդիսավոր միջոցառումներին։
Սա կլինի Պուտինի առաջին այցը երկիր, որը ստորագրել է Միջազգային քրեական դատարանի (ՄՔԴ) Հռոմի ստատուտը։ 2023 թվականի մարտին այդ դատարանը ՌԴ նախագահի ձերբակալության օրդեր է տվել։ Մոնղոլիան Հռոմի ստատուտը ստորագրել է 2000 թվականին, վավերացրել՝ 2002-ին։
2023 թվականի դեկտեմբերին Մոնղոլիայից դատավորն առաջին անգամ դարձել է ՄՔԴ դատավոր։ Մոնղոլիայի նախագահը հայտարարել է, որ ՄՔԴ-ում առաջին մոնղոլ դատավորի ընտրությունը «միջազգային ասպարեզում երկրի հեղինակության աճի և ամրապնդման ու Մոնղոլիայի հանդեպ միջազգային կազմակերպությունների վստահության նշան է»:
Տեսականորեն ՄՔԴ անդամ երկրները պարտավոր են կատարել դատարանի որոշումը և կալանավորել Պուտինին։
