11.08.2026 | 00:05
Երկրաշարժ Վարդենիս քաղաքից 26 կմ հյուսիս-արևելք
ՌԴ ՊՆ-ն հայտնել է 18 անօդաչուի ոչնչացման մասին երեք մարզերում և բռնակցված Ղրիմի տարածքում
Քաղաքականություն
30.08.2024 | 12:07
Ռուսաստանի Պաշտպանության նախարարությունը հայտնել է 18 անօդաչու թռչող սարքի ոչնչացման մասին երեք շրջանների և բռնակցված Ղրիմի տարածքում։ Գերատեսչության տվյալներով՝ 11 անօդաչու թռչող սարք են խոցել Բրյանսկի շրջանի, չորսը՝ Կալուգայի, երկուսը բռնակցված Ղրիմի և մեկը Բելգորոդի շրջանում։
«Крымский ветер» տելեգրամ-ալիքը, հղում անելով ականատեսներին, հայտնում է, որ գիշերը հինգ պայթյուն է լսվել, այդ թվում՝ Կիրովսկոյե օդանավակայանի տարածքում, երկաթուղային կայարանի մոտ և Ջանկոյ շրջանում։
Բելգորոդի մարզում, ըստ շրջանի նահանգապետ Վյաչեսլավ Գլադկովի, օգոստոսի 30-ի առավոտյան անօդաչու սարքերը հարձակվել են երեք բնակավայրերի վրա։ Նախնական տվյալներով՝ զոհեր և վիրավորներ չկան։
Կալուգայի շրջանի նահանգապետ Վլադիսլավ Շապշան էլ հայտնել է, որ չորս անօդաչու թռչող սարք են խոցել շրջանում։
Բրյանսկի շրջանի ղեկավար Ալեքսանդր Բոգոմազն իր հերթին հայտնել է, որ շրջանի ուղղությամբ հարվածների հետևանքով տուժածներ և ավերածություններ չկան։
