09.09.2026 | 13:37
Մարիա Կարապետյանը՝ Արտաքին հարաբերությունների մշտական հանձնաժողովի փախնախագահ
Ուկրաինան ՄԱԳԱՏԷ-ին հայտնել է, որ ռուսական հարձակման պատճառով անջատվել են Ռիվնե ԱԷԿ-ի երեք էներգաբլոկները
Քաղաքականություն
29.08.2024 | 18:10
Ուկրաինայի իշխանություններն Ատոմային էներգիայի միջազգային գործակալությանը (ՄԱԳԱՏԷ) տեղեկացրել են, որ ուկրաինական ատոմակայանների մի քանի էներգաբլոկներ անջատվել են ցանցից երկրի էներգետիկ ենթակառուցվածքի վրա վերջերս տեղի ունեցած զանգվածային հարձակման ժամանակ, փոխանցում է BBC-ի ռուսական ծառայությունը։
ՄԱԳԱՏԷ-ին ուղարկված պաշտոնական գրության մեջ նշվում է, որ օգոստոսի 26-ին Ուկրաինայի գնդակոծության ժամանակ Ռիվնեի ԱԷԿ-ի 1-ին, 3-րդ և 4-րդ էներգաբլոկներն անջատվել են էլեկտրացանցից։
Բացի այդ, հարավային Ուկրաինայի ատոմակայանի հզորությունը կրճատվել է մինչև 1800 մեգավատ, իսկ ավելի ուշ Ուկրաինայի ազգային էներգահամակարգում տատանումները հանգեցրել են այս կայանի 3-րդ էներգաբլոկի անջատմանը ցանցից, ասվում է ուկրաինական կողմի գրության մեջ։
«Ռուսաստանի Դաշնությունը շարունակում է միտումնավոր թիրախավորել ուկրաինական էներգետիկ ենթակառուցվածքը՝ փորձելով խափանել երկրի ատոմակայանների աշխատանքը, որոնք արտադրում են ուկրաինական էլեկտրաէներգիայի մեծ մասը։ Ռուսական հարձակումները զգալի վտանգ են ներկայացնում Ուկրաինայի միջուկային օբյեկտների կայուն գործունեության և միլիոնավոր մարդկանց անվտանգության համար»,- նշում է ՄԱԳԱՏԷ-ում Ուկրաինայի առաքելությունը։
ՄԱԳԱՏԷ-ն առայժմ չի մեկնաբանել Ուկրաինայի հայտարարությունները։
