27.12.2025 | 13:10
Վահե Գևորգյան․ Տարվա լավագույն մարզիչ լինելը պարտավորեցնող է
ԵՄ ԱԳ նախարարները կքննարկեն Վրաստանում տիրող իրավիճակը
Քաղաքականություն
29.08.2024 | 16:40
Վրաստանում տիրող իրավիճակը կքննարկվի այսօր ԵՄ ԱԳ նախարարների ոչ պաշտոնական հանդիպման ժամանակ։ Այս մասին հայտարարել է Լատվիայի արտգործնախարար Բայբա Բրաժեն, գրում է Նովոստի Գրուզիան։
«Այսօր մենք կխոսենք նաև Վրաստանի մասին, որը չի զարգանում այնպես, ինչպես մենք կցանկանայինք»,- հանդիպումից առաջ լրագրողներին ասել է Բրաժեն։
Բրյուսելը փաստացի սառեցրել է ԵՄ-ին Վրաստանի անդամակցության գործընթացի շուրջ բանակցությունները՝ ի պատասխան «օտարերկրյա գործակալներիվ մասին օրենքի ընդունման, հակաարևմտյան հռետորաբանության և «Վրացական երազանքի» կառավարության այլ հակաժողովրդավարական քայլերի։
Այս շաբաթ Բրյուսելը մտահոգություն հայտնեց իշխող կուսակցության՝ խորհրդարանական ընտրություններում հաղթելու դեպքում գրեթե բոլոր քաղաքական հակառակորդներին օրենքից դուրս ճանաչելու մտադրության վերաբերյալ հայտարարությունները:
Politico-ին տված հարցազրույցում ԵՄ արտաքին քաղաքականության խոսնակ Պետեր Ստանոն զգուշացրել է Վրաստանի իշխանություններին Եվրահանձնաժողովի պատասխանի մասին։ Այնուամենայնիվ, նա նշել է, որ անդամակցության դուռը «բաց կմնա, եթե Վրաստանը որոշի վերանայել ԵՄ արժեքներն ու նորմերը և շրջել վերջին ամիսների բացասական միտումները»։
«Հարցն այն է, թե ինչ պետք է անենք։ Մենք գիտենք խնդիրը, գիտենք ախտորոշումը, բայց ինչ անել»,- ասել է Լատվիայի արտգործնախարարը։
ԵՄ արտաքին քաղաքականության ծառայության կայքում Վրաստանի թեման օրակարգում նշված չէ։ Բրաժեի խոսքով՝ արտգործնախարարները «տեղեկատվություն կփոխանակեն» Վրաստանը խրախուսելու դրական ուղիների մասին։
