01.11.2024 | 18:19
Էդգար Զաքարյանը նշանակվել է Էկոնոմիկայի նախարարի տեղակալ
Թրամփը Ցուկերբերգին սպառնացել է բանտարկությամբ
Քաղաքականություն
29.08.2024 | 16:18
ԱՄՆ նախկին նախագահ Դոնալդ Թրամփը նոր գիրք է գրել՝ «Փրկել Ամերիկան»։ Դրանում նա, ի թիվս այլ բաների, անդրադարձել է Meta-ի ղեկավար Մարկ Ցուկերբերգին։ Թրամփը նրան մեղադրում է 2020 թվականի ընտրությունների ընթացքում կեղծիքների փորձի համար։ Նախագահի թեկնածուն գործարարին սպառնում է բանտարկությամբ, եթե նա «այս անգամ անօրինական որևէ բան անի»։ Գիրքը լույս կտեսնի սեպտեմբերի 3-ին։
Politico-ն գրքից որոշ հատվածներ է հրապարակել։ Դրանցից մեկում Դոնալդ Թրամփը գրում է, որ իր նախագահական ժամկետի ավարտին Մարկ Ցուկերբերգը կնոջ՝ Պրիսցիլա Չանի հետ այցելել է Սպիտակ տուն։ Նախկին նախագահի խոսքով՝ ձեռնարկատերն «այնքան հաճելի էր, որքան կարող էր լինել»։ Քաղաքական գործչի խոսքով՝ Ցուկերբերգն արդեն այն ժամանակ էր «դավադրություն նախապատրաստում նախագահի դեմ»։
Դավադրություն ասելով՝ նա նկատի ունի, որ գործարարն ու նրա կինը 2020 թվականին 420 միլիոն դոլար են նվիրաբերել նահանգային և տեղական իշխանություններին։ Այնուհետև գումարն ուղղվել է ձայների հաշվման և փոստով քվեարկություն կազմակերպելու նոր սարքավորումներին։ Հանրապետականները դեմ են եղել նվիրատվությանը։ Նրանք կարծում էին, որ հենց այսպես է ձեռներեցը ցանկանում ազդել ընտրությունների ընթացքի վրա և ապահովել Ջո Բայդենի հաղթանակը։ Նրանք այս գումարն անվանել են «Ցուկերբաքս»:
«Մենք ուշադիր հետևում ենք նրան, և եթե նա այս անգամ ինչ-որ անօրինական բան անի, ապա իր կյանքի մնացած մասը կանցկացնի բանտում»,- գրել է Դոնալդ Թրամփը:
Նշվում է, որ նա երբեք հրապարակավ չի ընդունել իր պարտությունը 2020 թվականի ընտրություններում։
