09.09.2026 | 18:30
Թմրանյութ կուլ տալով փախե՞լ է, թե՞ խոշտանգվել․ փաստաբանի ահազանգի հետքերով․ ՏԵՍԱՆՅՈւԹ
Կուրսկի շրջանի Լգով քաղաքում հրթիռակոծությունից վնասվել է երկաթուղին
Քաղաքականություն
29.08.2024 | 15:55
Կուրսկի շրջանի Լգովի քաղաքապետ Ալեքսեյ Կլեմեշովը հայտնել է, որ քաղաքը ենթարկվել է ուկրաինական զինված ուժերի հրետանային կրակի։ Հարձակման հետևանքով վնասվել են «Լգով-Կիևյան» կայարանի երկաթուղային գծերը, ինչպես նաև երկու բնակելի շենք, ասել է Կլեմեշովը։
Բացի այդ, ըստ Meduza-ի, հրդեհ է բռնկվել քաղաքի գործարաններից մեկի պահեստում, այն արագ մարվել է։ Քաղաքապետը հավելել է, որ բնակիչներ չեն տուժել։
«Ես քաղաքը լքածներին խորհուրդ չեմ տալիս վերադառնալ, քանի դեռ իրավիճակը լիովին չի կայունացել»,- ասել է Ալեքսեյ Կլեմեշովը:
Լգով քաղաքը մեծ երկաթուղային հանգույց է, ասվում է Կուրսկի շրջանի քաղաքապետարանների կայքում։ Երկաթուղին Լգովից տանում է Բրյանսկի, Վորոնեժի, Կուրսկի, ինչպես նաև Ուկրաինայի ուղղությամբ։
