09.09.2026 | 13:37
Մարիա Կարապետյանը՝ Արտաքին հարաբերությունների մշտական հանձնաժողովի փախնախագահ
Սթարմերը և Շոլցն ասել են, որ Կիևի կողմից ՌԴ տարածքում զենքի կիրառման վերաբերյալ նոր որոշումներ չեն ընդունվել
Քաղաքականություն
28.08.2024 | 18:32
Այցով Բեռլինում գտնվող Մեծ Բրիտանիայի վարչապետ Քիր Սթարմերին մամուլի ասուլիսի ժամանակ հարցրել են՝ արդյո՞ք ԱՄՆ-ի առարկություններն իսկապես խանգարում են բրիտանա-ֆրանսիական Storm Shadow հրթիռների կիրառմանը ՌԴ տարածքում գտնվող թիրախների դեմ, փոխանցում է BBC-ի ռուսական ծառայությունը:
Այս մասին հաճախ է գրվում բրիտանական մամուլում, իսկ չորեքշաբթի նման հայտարարություններով հերթական հոդվածը հրապարակվել է Daily Telegraph-ում։ Վարչապետի պաշտոնը ստանձնելուց հետո առաջին օրերին՝ հուլիսի սկզբին, Սթարմերն ասել էր, որ Բրիտանիան դեմ չէ նման ձևով Storm Shadow-ի օգտագործմանը։
Սթարմերը պատասխանել է, որ չի խորանալու «մարտավարական հարցերի մեջ», սակայն նրա կառավարությունը նոր որոշումներ չի կայացրել այս կապակցությամբ։
Պատասխանելով նույն հարցին՝ կանցլեր Օլաֆ Շոլցն ասել է, որ Գերմանիան կշարունակի աջակցել Ուկրաինային, բայց նույնպես նոր որոշումներ չի կայացրել։
Ուկրաինան վաղուց է Գերմանիայից խնդրում «Տավրուս» թևավոր հրթիռներ, որոնց հեռահարությունն ավելի մեծ է, քան «Storm Shadow»-ն, սակայն Բեռլինը մերժում է:
