14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Փարիզի դատարանի ժամանակացույցում Դուրովի գործով լսումներ դեռևս չկան
Քաղաքականություն
28.08.2024 | 16:17
Փարիզի դատարանի ժամանակացույցը դեռևս չի ներառում Telegram-ի հիմնադիր Պավել Դուրովի գործով լսումները, որի խափանման միջոցի ժամկետը լրանում է չորեքշաբթի երեկոյան, հայտնում է ՌԻԱ Նովոստիի թղթակիցը դատարանից։
Միևնույն ժամանակ, դատարանի աշխատանքին ծանոթ աղբյուրը չի բացառել, որ Դուրովի հարցի քննարկումը կարող է չընդգրկվել հանրությանը հասանելի ժամանակացույցում՝ գործի «զգայուն բնույթի» պատճառով։
«Ժամանակացույցում այս գործը նշված չէ, բայց դա չի բացառում դրա հնարավոր քննարկումը»,- ասել է գործակալության զրուցակիցը։
Հնարավոր է նաև, որ այն քննարկվի տեսակապի միջոցով։
Ավելի վաղ Փարիզի դատախազությունը հայտնել էր, որ Դուրովի խափանման միջոցը երկարացվել է, առավելագույն՝ 96 ժամը լրանում է չորեքշաբթի երեկոյան։ Մինչ այդ ժամկետի լրանալը նրան պետք է կա՛մ մեղադրանք առաջադրվի, եթե դատավորին բավարար փաստարկներ ներկայացվեն, կա՛մ ազատ արձակվի։
