Քաղաքականություն
28.08.2024 | 15:55
Բաթումիի գյուղատնտեսական շուկայից ընտրված համեմունքներում Վրաստանի Սննդի ազգային գործակալությունը կյանքի համար վտանգավոր կապարի բարձր պարունակություն է հայտնաբերել, փոխանցում է Գրուզիա օնլայնը։
Չոր համեմունքում կապարի պարունակությունը կազմել է 9323 մգ/կգ, ինչը զգալիորեն գերազանցում է թույլատրելի սահմանը։
Նշվում է, որ տնտեսվարողին արգելվել է չոր համեմունքի նշված խմբաքանակը վաճառել, ինչպես նաև կարգադրվել է դադարեցնել համեմունքների մատակարարումը շուկա։
Տեղեկացվում է, որ ձեռնարկատերը տուգանվել է 500 լարիով, կնքվել են համեմունքները և դրանց բաղադրիչները (համեմ, ուցխո սունելի, աղացած ձիրայի սերմեր, դեղին ծաղիկ, քրքում)։ Դրանց մեծ մասն արտադրվում է արտասահմանում, իսկ քրքումը ներմուծվում է Հնդկաստանից։
