21.03.2026 | 11:30
26 երկիր, ավելի քան 100 նախագիծ, 30,000 բնակարան. «TOON EXPO» 2026-ի մասշտաբներն ընդլայնվում են․ ՏԵՍԱՆՅՈՒԹ
Ես ճառը պետք է կարդամ մի դատավորի մոտ, որը բացարկման ենթակա՞ է. Հրայր Թովմասյանի պաշտպան․ ՏԵՍԱՆՅՈՒԹ
Հասարակություն
28.08.2024 | 11:52
Սահմանադրական դատարանի դատավոր Հրայր Թովմասյանի պաշտպան Արամ Օրբելյանն այսօրվա դատական նիստի ընթացքում ցանկանում էր բացարկի միջնորդություն ներկայացնել դատավոր Տաթևիկ Գրիգորյանին, սակայն դատավորը նիստի մեկնարկի փուլում չթույլատրեց ներկայացնել բացարկի միջնորդությունը:
Դատավորը նշեց, որ պաշտպանին հնարավորություն կտրվի ներկայացնել միջնորդությունը, սակայն ճառն ավարտելուց հետո` նիստի ավարտին Օրբելյանը նշեց, որ իր ճառը 600 էջից է բաղկացած, որը ներկայացնելու համար մոտ 3 դատական նիստ կպահանջվի, որին ի պատասխան դատավոր Տաթևիկ Գրիգորյանը նշեց, որ այդ դեպքում միջնորդությունը կլսվի այն փուլում, երբ պաշտպանը կավարտի ճառը:
«Այսինքն` ես իմ ճառը պետք է ներկայացնեմ մի դատավորի, որը բացարկման ենթակա՞ է»,- ասաց Օրբելյանը, բայց սկսեց ներկայացնել ճառը` պնդելով, որ Թովմասյանի նկատմամբ ի սկզբանե ապօրինի քրեական հետապնդում է հարուցվել:
«Տեղի է ունեցել ոչ թե քննություն, այլ «գործ կարել»», – հայտարարեց Արամ Օրբելյանը` ակնարկելով, որ քրեական գործով նպատակ է հետապնդվել Թովմասյանին հեռացնել ՍԴ նախագահի պաշտոնից:
Արաքս Մամուլյան
