01.11.2024 | 17:22
Թրամփն իրեն ՌԴ-ի բարեկամ համարողներին «հիվանդ» է անվանել՝ հայտարարելով, թե հենց ինքն է կանգնեցրել «Հյուսիսային հոսք 2»-ը
Ուկրաինան ԱՄՆ-ին կտրամադրի ՌԴ-ում թիրախների ցուցակը․ Politico
Քաղաքականություն
27.08.2024 | 16:14
Կիևը պատրաստ է Վաշինգտոնին տրամադրել Ռուսաստանում գտնվող հեռահար թիրախների ցանկը, որոնք կարող են խոցվել ամերիկյան հեռահար զինատեսակներից, գրում է Politico-ն։
Ըստ իրավիճակին ծանոթ երեք աղբյուրների՝ Ուկրաինայի պաշտպանության նախարար Ռուստեմ Ումերովը և նախագահի աշխատակազմի ղեկավար Անդրեյ Երմակն այս շաբաթվա վերջին ջանքեր կգործադրեն՝ համոզելու Վաշինգտոնին վերացնել ամերիկյան հեռահար զենքի կիրառման սահմանափակումները: Ուկրաինայի պաշտոնյաները նախագահ Ջո Բայդենի վարչակազմին կտրամադրեն հնարավոր հարվածի թիրախների մանրամասն ցուցակը։
«Ուկրաինայի համար զենքի հեռահարության սահմանափակումներ չպետք է լինեն։ Կյանքի պաշտպանները չպետք է սահմանափակվեն զենքի հարցում»,- ավելի վաղ հայտարարել էր Ուկրաինայի նախագահ Վլադիմիր Զելենսկին։
Պարբերականի աղբյուրների համաձայն՝ Ուկրաինայի իշխանություններն արդեն մի քանի անգամ դիմել են Բայդենի վարչակազմին՝ խնդրելով վերացնել ամերիկյան հրթիռների կիրառման սահմանափակումները՝ Ռուսաստանի ներսում ավելի արդյունավետ հարձակման համար։ Վաշինգտոնը կարծում է, որ սահմանափակումների վերացումը կարող է դրդել Մոսկվային ավելի ագրեսիվ գործողություններ ձեռնարկել Ուկրաինայում։
