22.02.2026 | 11:08
Լվովում ահաբեկչություն է տեղի ունեցել․ առևտրի կենտրոնի մոտ ինքնաշեն սարք է պայթել, ոստիկան է զոհվել
Փարիզի դատախազությունը հայտնել է, թե քանի հոդվածով է մեղադրվում Telegram-ի հիմնադիր Դուրովը
Քաղաքականություն
27.08.2024 | 11:17
Փարիզի դատախազությունը հայտնել է, որ հետաքննությունը, որի շրջանակում կալանավորվել է Պավել Դուրովը, բացվել է 12 հոդվածներով։ Telegram մեսենջերի հիմնադիր, ռուսաստանցի միլիարդատեր Պավել Դուրովը ձերբակալվել է հետաքննության շրջանակում, որն անցկացվում է անհայտ անձանց դեմ 12 հանցագործությունների համար։ Այս մասին հայտնում է Novaya Gazeta Europe-ը՝ Փարիզի դատախազությանը հղումով։
Գերատեսչությունը հաստատել է, որ Դուրովի կալանավորումը կապված է հարթակի կառավարման հետ։ Նրա դեմ դատավարությունը սկսվել է հուլիսի 8-ին։
Այդ հոդվածների թվում են՝ կազմակերպված խմբերի ապօրինի գործարքներ իրականացնելու համար առցանց հարթակի կառավարմանը մեղսակցությունը, իրավապահ մարմինների պահանջով հետաքննության անցկացման և օգտագործման համար անհրաժեշտ տեղեկատվության կամ փաստաթղթերի տրամադրումից հրաժարվելը, մասնակցություն անչափահասների հետ պոռնոգրաֆիկ բովանդակության պահպանմանը, մասնակցություն թմրամիջոցների տարածմանը, մասնակցություն կիբերհանցագործություններին, կազմակերպված հանցավոր խմբերի կազմում խարդախության մեղսակցությունը:
Դուրովը կարող է կալանքի տակ մնալ մինչև օգոստոսի 28-ը։
