30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ներկա իրողությունների պայմաններում Ադրբեջանի մեծ եղբայրը ոչ թե Թուրքիան է, այլ Ռուսաստանը․ Ռոբերտ Ղևոնդյան․ ՏԵՍԱՆՅՈՒԹ
Քաղաքականություն
26.08.2024 | 19:00
Բաքվում Շոյգուին չէր հաջողվել որոշ հարցերում լուծումներ գտնել ու Պուտինի միջամտության կարիքն էր զգացվել․ նման կարծիք հայտնեց «Անվտանգային քաղաքականության հետազոտական կենտրոնի» փորձագետ Ռոբերտ Ղևոնդյանը FactorTV-ի տաղավարում պատասխանելով հարցին, թե ինչ շեշտադրումներ ուներ Վլադիմիր Պուտինի այցը Բաքու և Հայաստանի համար ինչ հետևանքներ կունենա այն։
«Իմ գնահատմամբ, Ադրբեջանի նախագահը Պուտինին ներկայացրել է, որ լծակներ չունի Հայաստանին պարտադրելու, որ «Զանգեզուրի միջանցքը» իրականություն դառնա այն տրամաբանությամբ, ինչ տրամաբանությամբ գրված էր նոյեմբերի 9-ի հայտարարությունում ու առաջարկել է Վլադիմիր Պուտինին, եթե կարող են՝ իրենք զբաղվեն, ինչի արդյունքում հետևել էր Լավրովի հայտարարությունը, որ Հայաստանը սաբոտաժի է ենթարկում Սյունիքի մարզով ճանապարհների ապաշրջափակման համաձայնագիրը»,- ասաց բանախոսը՝ ընդգծելով, որ այս պահին Ադրբեջանն այնքան էլ շահագրգռված չէ, որ ռուսական ФСБ-ի ներկայացուցիչները կանգնեն Սյունիքի ճանապարհին։
Խոսելով Թուրքիա-Ադրբեջանին ներկայիս հարաբերությունների մասին՝ Ղևոնդյանը նկատեց, որ «տարածությունը», որը Թուրքիան ենթադրում էր իրեն է պատկանում Արցախյան պատերազմին մասնակցելու շնորհիվ, Ադրբեջանը տվել է Ռուսաստանին ու կարծիք հայտնեց, որ առաջիկայում, հավանաբար, կտեսնենք Թուրքիայի կողմից դեմարշներ Ադրբեջանի նկատմամբ։
Հարցազրույցն ամբողջությամբ՝ տեսանյութում։
Անահիտ Խաչատրյան
