23.06.2026 | 14:53
Բաքուն ԱՄՆ Կոնգրեսում Հայաստանի կողմից, իբր, «ադրբեջանցիների էթնիկ զտումների» մասին համաժողով է նախաձեռնել
Ռուսաստանը հարվածել է Կիևի հիդրոէլեկտրակայանին․ ՏԵՍԱՆՅՈՒԹ
Քաղաքականություն
26.08.2024 | 16:12
Ուկրաինայում քաղաքացիական ենթակառուցվածքների վրա ռուսական հրթիռային հարձակման հետևանքով վնասվել է Կիևի հիդրոէլեկտրակայանը։ UNIAN գործակալության տվյալներով՝ վնասվել են ամբարտակի ճանապարհը և կայանի տուրբինային սենյակը։
Նշվում է, որ վնասվել է միայն բուն հիդրոէլեկտրակայանը, իսկ պատնեշի վրա փոսեր կամ ճեղքեր չեն գրանցվել։
Ապատեղեկատվության հակազդման կենտրոնի ղեկավար Անդրեյ Կովալենկոն իր Telegram-ալիքում ասել է, որ հնարավոր չէ հրթիռներով ոչնչացնել Կիևի հիդրոէլեկտրակայանի ամբարտակը։
«Կիևի հիդրոէլեկտրակայանի ամբարտակին սպառնացող վտանգներ չկան։ Այն հնարավոր չէ ոչնչացնել հրթիռներով։ Համեմատությունները Խերսոնի իրավիճակի հետ տեղին չեն. այնտեղ պայթյուն է եղել ներսից։ Ռուսներն այս թեման օգտագործում են խուճապ ստեղծելու համար»,- գրել է նա։
Օգոստոսի 26-ի առավոտյան Ռուսաստանը հերթական զանգվածային հրթիռային հարձակումն է իրականացրել Ուկրաինայի վրա՝ կրկին թիրախավորելով քաղաքացիական ենթակառուցվածքները, էներգետիկ օբյեկտները և բնակելի շենքերը: Երկրի վարչապետ Դենիս Շմիգալի խոսքով՝ հարձակումից տուժել է 15 շրջան։
Նախագահ Վլադիմիր Զելենսկին ասել է, որ ռուսական զորքերը տարբեր տեսակի ավելի քան հարյուր հրթիռ են արձակել և մոտ հարյուր հարվածային անօդաչու թռչող սարք։
