30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Պայթյուն և հրդեհ Օմսկի նավթավերամշակման գործարանում
Քաղաքականություն
26.08.2024 | 17:02
Ռուսաստանում Օմսկի նավթավերամշակման գործարանում օգոստոսի 26-ի կեսօրին պայթյուն է տեղի ունեցել, հաղորդում են տեղական Om1.ru և Gorod 55 լրատվականները՝ վկայակոչելով ականատեսներին։ Պայթյունը լսվել է քաղաքի տարբեր հատվածներում։
ՌԴ ԱԻՆ տարածաշրջանային վարչությունը հայտնել է, որ հրդեհ է բռնկվել Գուբկինի փողոցում՝ 1000 քմ մակերեսով տարածքում։ Փրկարարներն ահազանգը ստացել են տեղական ժամանակով 14:45-ին, փոխանցում է Meduza-ն։
Օմսկի նավթավերամշակման գործարանի մամուլի ծառայությունը հայտնել է, որ բռնկվել են ձեռնարկության տեխնոլոգիական սարքավորումները։
«Ավտոմատացված հրդեհաշիջման սարքավորումները և հրշեջ ծառայությունն արագորեն տեղայնացնում են հրդեհը։ Ձեռնարկությունն աշխատում է բնականոն հունով»,- հայտնել են գործարանից՝ հավելելով, որ «կրակը վերահսկողության տակ է»։
Baza Telegram-ալիքը գրում է, որ գործարանում պայթել է АВТ-11 սարքավորումը, որը նախատեսված է նավթը ֆրակցիաների բաժանելու և հետագա մշակման համար։
Պայթյունի հետևանքով այրվածքներ են ստացել նավթավերամշակման գործարանի երկու աշխատակիցներ։ Տուժածներին օգնություն է ցուցաբերվել տեղում։
