27.05.2026 | 18:49
Հայաստանի Կիոկուշին կարատեի ֆեդերացիայի նախագահը՝ մարտարվեստների կարևորության և մարզիչների ճիշտ ընտրության մասին
Պայթյուն Ֆրանսիայի սինագոգերից մեկի մոտ. Մակրոնը տեղի ունեցածը որակել է ահաբեկչական գործողություն
Քաղաքականություն
24.08.2024 | 19:48
Ֆրանսիայի հարավում՝ Մոնպելյեից ոչ հեռու, Լա Գրանդ- մոտ առողջարանային քաղաքի սինագոգի շենքի մոտ, անհայտ տղամարդը հրկիզել է երկու մեքենա, որոնցից մեկում գազի բալոն եղել, որը պայթել է, BBC-ի ռուսական ծառայության փոխանցմամբ՝ հայտնել են ոստիկանությունից։ Պայթյունից ոստիկան է տուժել։
Ոստիկանության աղբյուրները ֆրանսիական ԶԼՄ-ներին հայտնել են, որ տեսագրությունում երևում է մի տղամարդ՝ Պաղեստինի դրոշով և ատրճանակի նմանվող առարկայով:
Միջադեպը տեղի է ունեցել տեղական ժամանակով 08:00-ից 08:30-ն ընկած ժամանակահատվածում, երբ սինագոգում եղել է հինգ մարդ, այդ թվում՝ ռաբբի: Լա Գրանդ-մոտ հրեական համայնքի առաջնորդ Յոնաթան Արֆին տեղի ունեցածը որակել է «հրեաների դեմ մահափորձ»։
Ֆրանսիայի նախագահ Էմանուել Մակրոնը տեղի ունեցածը որակել է ահաբեկչական գործողություն, իսկ հեռացող վարչապետ Գաբրիել Աթալը՝ հակասեմականության ակտ:
Ֆրանսիայում հրեական շատ հաստատություններ, ինչպիսիք են դպրոցներն ու սինագոգները, գործում են ոստիկանության ուժեղացված հսկողության ներքո:
