07.10.2026 | 23:48
Արթուր Դանիելյանը կալանավորվեց
ՀՀ-ում հաստատվել է Արևմտյան Նեղոսի տենդով վարակման 75 դեպք
23.08.2024 | 19:56
Հիվանդությունների վերահսկման և կանխարգելման ազգային կենտրոնից տեղեկացնում են, որ Հայաստանում գրանցվել է Արևմտյան Նեղոսի տենդով վարակման 75 դեպք:
Արևմտյան Նեղոսի տենդի փոխանցողը կուլեքս ցեղի մոծակներն են, որոնք վարակվում են թռչուններից: Այս հիվանդության համար հատուկ պատվաստանյութ չկա:
80 տոկոս դեպքերում հիվանդությունը ընթանում է գրեթե առանց ախտանշանների: Ծանր դեպքերը, որոնք ուղեկցվում են նյարդային համակարգի ախտահարմամբ, այդ թվում՝ մենինգիտի և էնցեֆալիտի երևույթներով, դիտարկվում են մինչև 1 տոկոս դեպքերում: Այս հիվանդության համար հատուկ դեղամիջոց չկա: Իրականացվում են ընդհանուր բուժական միջոցառումներ՝ ուղղված վիճակի լավացմանը: Արևմտյան Նեղոսի տենդը նույնպես ունի սեզոնայնություն: Հիմնական սեզոնը հունիսից հոկտեմբեր ժամանակահատվածն է, առավել մեծ ակտիվություն դիտվում է հուլիսից օգոստոս ժամանակահատվածում:
