27.05.2026 | 20:22
Ֆրանսիայում սկսվել է Ալիևի քննադատ ադրբեջանցի բլոգերի դեմ մահափորձի գործով դատավարությունը
ՌԴ-ն երկրորդ օրն անընդմեջ հայտարարում է Ուկրաինայի ԶՈւ-ի կողմից Կուրսկի ատոմակայանի վրա հարվածելու փորձի մասին
Քաղաքականություն
23.08.2024 | 16:03
Ուկրաինայի զինված ուժերը փորձել են հարվածել Կուրսկի ատոմակայանին կամիկաձե անօդաչու թռչող սարքերով, հայտնում է իրավապահ մարմիններում ՏԱՍՍ-ի աղբյուրըը։
«Կիևի ռեժիմը Կուրսկի մարզի Կուրչատով քաղաքում տեղակայված ատոմակայանում կամիկաձե անօդաչու թռչող սարքով փորձել է միջուկային ահաբեկչություն իրականացնել։ Ուկրաինական անօդաչու թռչող սարքը կործանվել է Կուրչատովի ատոմակայանի անմիջական հարևանությամբ ռուսական ռադիոէլեկտրոնային պայքարի միջոցներով»,- ասել է գործակալության զրուցակիցը։
Աղբյուրի փոխանցմամբ՝ անօդաչու թռչող սարքը հայտնաբերվել է օգտագործված միջուկային վառելիքի պահեստի մոտ։ ԱԹՍ-ի մարտագլխիկը հակատանկային նռնակի գլխիկ է եղել, պարզաբանել է գործակալության աղբյուրը։
Նախօրեին ՌԴ նախագահ Վլադիմիր Պուտինը հայտարարել էր, որ ուկրաինական բանակը փորձել է հարվածել Կուրսկի ատոմակայանին։ Նրա խոսքով՝ Ռուսաստանի իշխանություններն այդ մասին հայտնել են Ատոմային էներգիայի միջազգային գործակալությանը (ՄԱԳԱՏԷ):
ՄԱԳԱՏԷ-ի տնօրեն Ռաֆայել Գրոսսին ասել է, որ ծրագրում է հաջորդ շաբաթ այցելել Կուրսկի շրջան՝ իրավիճակը գնահատելու համար։ Նա հավելել է, որ իրավիճակը տարածաշրջանում լուրջ վտանգ է ներկայացնում միջուկային անվտանգությանը։
